Itanagar, Jylliew 12: U Pema Khandu ula pynkhreh ban shimti biang kum u Myntri Rangbah ka Jylla Arunachal Pradesh hadien ba ula shah jied biang kum u BJP Legislature Leader hapoh ka Jylla.
U Khandu ula shah jied biang kum u Legislature Party Leader haka jingialang ba don lang ki heh ka BJP na Delhi ba kynthup u Ravi Shankar Prasad bad u Tarun Chugh.
U Khandu un leit ban kynduh ia u Lat ka Jylla u KT Parnaik ban kam thaw Sorkar noh bad ka kynhun myntri kan bam smai haka 13 tarik mynta u bnai.
Ka BJP ba ialam da u Pema Khandu kala jop kput haka ilekshon MLA hapoh Arunachal Pradesh daka ba jop 46 seats naka 60 tylli.
U Pema Khandu u dei u khun jong u Myntri Rangbah Jylla barim u Dorjee Khandu uba la ieh noh iaka Congress bad iasoh bad ka Party Jyla kaba don lang bad ka BJP.
Ula shah beh noih ka a Congress ha ryngkat bad ki 6 ngut ki MLA bad kane ka pynlong ia u bah rah lang iaki 43 ngut ki MLA shaka BJP.
Kane ka pynlong iaka BJP hapoh Arunachal Pradesh ban bun paid tang hapoh shimiet.
Hashuwa kane u Pema Khandu ula bat kum u Myntri ka tnat Tourism, Urban Development bad Water Resources haka Sorkar u Nabam Tuki.
