Shillong, Nailur 03 : U Nonghikai ka skul Alpha English Higher Secondary School, Nongpoh, Ri-Bhoi, u Madhav Singh, ula shah jied ban ioh ia ka khusnam National Teachers’ Award.
Kat kum ka jingiathuh ki Heh ka Ministry of Education, u Singh u dei uwei na ki 75 ngut ki Nonghikai kiba la shah jied ban ioh ia kane ka khusnam. Ia kane ka khusnam yn sa sam da ka President Droupadi Murmu ha ka 5 tarik Nailur, kaba dei ka sngi rakhe ia ka Teachers Day ha New Delhi.
Haduh 75 ngut ki Nonghikai ba kynthup ia 50 ngut ki nonghikai skul, 13 ngut ki nonghikai jong ki Higher Education Institution bad 12 ngut na ka Ministry of Skill Development and Entrepreneurship, kin ioh ia kane ka khusnam.
U Heh ka Mo Eula pyntip “Ka jingthmu jong ka National Teacher’s Award ka long ban rahe ia ka jingsynniang ba janai jong ki Nonghikai hapoh ka Ri bad ban burom ia kito ki nonghikai kiba, lyngba ki jingaiti jong ki ia ka kam, ym tang k aba kyntiew ia ka pule puthi hynrei ka iarap ban saindur ruh ia ka jingim jong ki khynnah pule”.
“Baroh kine ki khusnam ki kynthup ia ka certificate of merit, ka song pisa ba T. 50,000 bad ka silver medal. Ki nongioh khusnam kin ioh ruh ia ka lad ban iakren bad u Myntri Rangbah Duh ka Ri u Narendra Modi” ong une u Heh.
