Shillong, Risaw 21 : U rang ialehkai phutbol ka Jylla Manbhakupar Malngiang, ula ioh jaka ha ka kynhun ba 23 ngut jong ka kynhun ialehkai U-17 ka Ri India, ka ban iakhun ia ka AFC U-17 Asian Cup 2025 Qualifiers.
Kane ka lympung ialehkai kan long ha Thailand naduh ka 23 tarik Lber haduh 27 tarik Lber, 2025.
Ka kynhun kaba la pynbna da u head coach Ishfaq Ahmed, kan iohi ia ka kynhun ialehkai ka India ban iakhun pyrshah ia ka Brunei Darusslam ha ka 23 tarik Lber, Turkmenistan ha ka 25 tarik Lber bad ka Thailand ha ka 27 tarik Lber.
Ki don haduh 10 tylli ki kynhun ha kane ka lympung Qualifiers bad ka kynhun ba wan nyngkong ne hakhlieh duh jong man ki group ha ryngkat bad ki 3 tylli ki kynhun ba wan ba-ar, kin rung sha ka AFC U-17 Asian Cup ha u 2025, ka ban iadonlang ka Saudi Arabia, ka ba pynlong ia ka lympung.
.Ka kynhun ba 23 ngut ka India sha ka AFC U-17 Asian Cup 2025 Qualifiers ki kynthup :
•Goalkeepers: Aheibam Suraj Singh, Rohit, Nandan Roy
•Defenders: Dheeraj, Goyary Kokrajhar, Ksh Eykhojit Singh, Sabir Ahamad, Sajin Balan, Sankalp Yadav
•Midfielders: Abdul Salha Sheergojri, Ahongshangbam Samson, Kh Azlaan Shah, Levis Zangminlun, Mahmad Sami, Manbhakupar Malngiang, Md Arbash, Ningthoukhongjam Rishi Singh, Vishal Yadav, Ngamgouhou Mate
•Forwards: Bharat Lairenjam, Prem Hansdak, Hemneichung Lunkim
Coaching staff:
•Head coach: Ishfaq Ahmed
•Assistant coach: Ramachandran Govindaraju Mileswamy
•Goalkeeper coach: Zakeer Hussain Mohammed
•Strength and conditioning coach: Chelston Pinto
