Tura, Lber 16 : U MDC ka Naguapra, Dhormonath Ch. Sangma ha ka sngi Nyngkong, ula shah jied kum u Chief Executive Member (CEM) ba thymmai ka Garo Hills Autonomous District Council (GHADC), hadien ka jingpynkynriah shuwa ia ka elekshon ka Council, kaba la buh ban long ha ka 10 tarik Iaiong.
Ia ka elekshon ka GHADC la pynkynriah shuwa namar ka jingkulmar kaba la pynthut ia ka shongsuk shongsain ha ri-lum Garo, hadien ba mih ki kynhun bapher bapher ban pyrshah ia ka jingthmu iakhun elekshon bad thep vote ki bar jylla.
Lah ban kdew hangne, wat ka Iingkashari High Court kala khein iap ia ka hukum bala pynmih da u CEM barim Albinus Marak ba pynlong kongsan ia ka syrnot ST ha ka jingthep kyrteng ki kyrtong ban iakhun ia ka elekshon.
Namar kane, ka Sorkar kala rai ban pynkynriah shuwa ia ka elekshon bad ban plie lynti ia ka council ba kan pyndep shuwa ia ki kam ba dei ban leh haba iadei bad ka jingdawa na u paidbah.
Ki MDC na baroh arliang-ka liang synshar bad liang pyrshah kila iasnohkti lang da kawei ka thong na ka bynta ka bha ka miat jong u paidbah.
Haduh 21 ngut ki MDC ka GHADC kila iasnohkti lang bad iakynduh ia u Lat ka Jylla ha ka sngi Saitjain ha Shillong, bad aiti ia ka shithi ba pynpaw ba kila duh ia ka jingshaniah ia u CEM Albinus R Marak. Namar kane, ula khot ia ka Dorbar Kyrpang ha ka sngi Nyngkong ban iakren ia ka no confidence motion pyrshah ia u Albinus.
Hynrei shuwa ban wanrah ia ka motion, u Albinus ula aiti ia ka shithi iehnohkam kum u CEM, kaba plie lynti ia ka jingthaw ia ka Executive Committee kaba thymmai.
Ka kynhun ba wanrah ia ka NCM, kala jied ia u Dhormonath Ch. Sangma kum u CEM ba thymmai da ka jingkyrshan ki 21 ngut ki MDC.
Kine ki MDC ki dei :
1. Dhormonath Ch Sangma – CEM
2. Sanjay Koch
3. Stevie M Marak
4. Linekar K Sangma
5. Grahambell A Sangma
6. Anseng A Sangma
7. Henen R Sangma
8. Ashahel D Shira
9. Rakesh A Sangma
10. Promod Koch
11. Arbinstone B Marak
12. Sengchim N Sangma
13. Sengbath R Marak
14. Nehru D Sangma
15. Crozier G Momin
16. Aldo A Sangma
17. Cherack W Momin
18. Rinaldo K Sangma
19. Perdinand D Shira
20. Alphonsius R Marak
21. Agasi R Marak
 ba thymmai ka Garo Hills Autonomous District Council (GHADC), hadien ka jingpynkynriah shuwa ia ka elekshon ka Council, kaba la buh ban long ha ka 10 tarik Iaiong.){kind=link}