Khanapara, Naitung 01: Ka Prof Gauri Dutt Sharma kaba long ka Vice Chancellor jongka University of Science and Technology Meghalaya (USTM), kala shah jied kum ka President jongka Association of Indian Universities (AIU) ha ka jingialang kaba la long ha ka Sngi Thohdieng ha AIU Headquarter kaba don ha New Delhi.
Ka Prof GD Sharma kadei ka Scientist kaba la pawkhmat bha bad kadei ruh ka nonghikai kaba la shemphang bha kaba la bat ia ki kyrdan bapher bad kala bat teng kum ka Vice Chancellor jongka Bilaspur University, Vice Chancellor banyngkong eh jongka Atal Bihari Vajpayee Viswavidyalaya, Vice Chancellor barim jongka Nagaland University bad ka Pro Vice Chancellor barim jongka Assam University.
Nalor kane kala long ruh ka Editor jong ki 7 tylli ki Journal bad kala pynmih haduh 261 tylli ki jingthoh kiba iadei bad ka Research ne jingwad bniah bad kadei ruh ka dkhot ha ki kynhun bapher kiba don hapoh ka ri bad shabar ri.
Ka Prof Sharma ka la shimti iaka kam President jongka AIU na u Prof Suranjan Das, Vice Chancellor ka Jadavpur University uba long u President barim.
U Mahbubul Hoque, Chancellor ka USTM ula pynpaw iaka jingkmen bad jingsngewsarong ia ki skulbah ka thain shatei lam mihngi baroh kawei haba iaka President jong ka AIU mynta la shimti da ka Prof Sharma jongka USTM kaban don ruh iaka jingkitkhlieh ban ialam ia ki skulbah kiba don hapoh ka ri baroh kawei.
Ia ka Association of Indian Universities la seng ha u 1925 bad ha katei ka por la tip kum ka Inter-University Board (IUB) of India bad la pynkylla noh iaka kyrteng sha ka Association of Indian Universities (AIU) ha u snem 1973.
Kadei ka synjuk jong ki skulbah kaba heh tam bad kadei ka kynhun kaba wan baar ha kylleng jong ka pyrthei kaba kynthup ia ki dkhot na ki 954 tylli ki skulbah kynthup ruh ia ki 20 tylli ki skulbah kiba don shabar ri.
Ki President kiba mynshwa jong kane ka synjuk ki kynthup ia u Dr S Radhakrishnan, Dr Zakir Hussain, Dr Shyama Prasad Mukherjee bad kiwei kiwei.
Pule ruh: Leh ka NEIGRIHMS ia ka surgery ba nyngkong eh ia kiba pang Klongsnam ha NE
, kala shah jied kum ka President jongka Association of Indian Universities (AIU) ha ka jingialang kaba la long ha ka Sngi Thohdieng ha AIU Headquarter kaba don ha New Delhi.){kind=link}