Guwahati, Naitung 03 : Ka nongap wicket bad nongtied (batting) Uma Chetry kala long ka thei ialehkai ba nyngkong eh na Assam ban shah jied sha ka India Senior National Cricket Team.
Ka kyrteng jong ka Uma kala paw ha ka jingpynbna ia ka kynhun ialehkai ka Ri, ki ban leit ialehkai sah Bangladesh ha kaba ka India kan iakhun ha baroh artylli ki T20 bad ki One Day International (ODI).
Ia kane ka kynhun yn ialam da ka Harmanpreet Kaur ka ban ialehkai haduh 3 tylli ki T20 bad kumjuh ruh ka ODI.
Ka Uma kala mihkhmat ruh ia ka India A Team kaba la ioh ia ka nam jingjop ha ka Asian Emerging Cricket Tournament ka ba la long ha Hongkong.
Ka Uma Chetry kaba dei na Bokakhat, Assam,ka dei ka thei ap wicket bad nongtied kaba don ka sap bad kala pyni ruh ia ka sap ialehkai ha ka lympung ba dang shu dep ha Hongkong.
“Ngi da kmen palat iala ka Khun. Ngi ioh jingtip hynnin ka miet ba ka Uma kala shah jied ha ka senior National Criket team. Ngi da sngew sarong eh iala ka Khun. Ka dei kaba trei shitom ban pynwandur iala ka jong ka rukom ialehkai. Ngi kwah ban iohi ia ka ba kan ialehkai na ka bynta ka Ri India” ong ka Dipa Chetry, Kmie ka Uma.
Ka Uma Chatry kan dei ka thei ialehkai cricket ba nyngkong eh na Assam ban shah jied sha ka senior Cricket Team ka India. Ka Assam Cricket Association (ACA) ka kitbok kitwriang ba kan ioh ia ka jingjop ha ka jingim.
Pule lang ia kane:Â Assam : Kem ki Pulit ia 7 ngut kiba dawa pisa ha kyrteng ki kynhun Kaikhlaw
