Shillong, Mar 19: Ka National Cricket Academy (NCA) jong ka BCCI hynne ka sngi kala jied 3 ngut ki rang ialehkai jong ka Meghalaya Cricket Association (MCA) ban don bynta haka North East Senior Men Camp ka ban sdang naduh u bnai Iaiong hapoh Bengal Cricket Academy ha Kalyani.
Kine ki 3 ngut ki rang ialehkai napoh ka jylla kiba shah jied ki kynthup u Raj Biswa, Kishan Lyngdoh kiba dei ki nongtied (Batting) bad u Arbin Singh u nong kawang bowl.
Kane ka Camp kan sdang naduh 24 tarik Iaiong haduh 18 tarik Jymmang bad ha kane ka Camp kila don haduh 25 ngut napoh ka thain North East zone kiba la shah jied ban ioh jinghikai pyntbit daka BCCI.
Ia kine ki rang ialehkai la jied katkum ka jinglah ialehkai bha jong ki ha jingiakhun Syed Mushtaq Ali Trophy T20 tournament, Vijay Hazare Trophy one day tournament bad first-class Ranji Trophy.