Shillong, Nailar 17: Ka nongialehkai ba shadien ne nongap bak (Defender) ka samla Alisha Lyngdoh bad ka nongialehkai pdeng (Midfielder) ka samla Bonifilia Shullai na Meghalaya, ki la shah jied haka kynhun ialehkai ka Football ka India ban ialehkai ha ka SAFF U-17 Women’s Championship ka ban long shen ha Bhutan.
Kane kadei ka sien kaba nyngkong iaka Alisha ban ioh mihkhmat iaja ri, katba Bonifilia ka la pynkhreh ban mihkhmat biang sa shisien iaka India hadien ba ka la mihkhmat ïa ka ri ha ka kyrdan U-16.
Ia kane ka kynhun jong ka India kaba 23 ngut, la ialam da u Coach na Sweden, u Joakim Alexandersson.
Dang shen u Alexandersson u la lah ban ialam iaka kynhun ïalehkai jong ki kynthei U-20 jong ka India sha ka jingjop kaba kongsan bha sha ka AFC U-20 Women’s Asian Cup bad mynta u phai khmat sha ka jingïalam ïa ka kynhun U-17 ban ioh jaka ban ïalehkai ha Kyrgyzstan mynta u bnai Risaw.
Kane ka lympung ïalehkai kaba la pynlong ha nongbah Thimphu naduh ka 20 haduh ka 31 tarik u Nailar, ka wanrah ïa ka rukom ïalehkai ba thymmai kaba arsien land double round-robin format ha kaba ki don saw tylli ki kynhun—ka India, Bangladesh, Nepal, bad Bhutan.
Kawei pa kawei ka kynhun kan ïalehkai hynriew tylli ki jingïalehkai, ha kaba ka kynhun kan long kaba ha khlieh duh ha ka miej ïalehkai ba la pynbna kum ka nongjop.
Ki thei ialehkai India iaka ba la tip kyrteng kum ki ‘Young Tigresses’ kin sdang ïa ka jingïalehkai jong ki pyrshah ïa ka Nepal ha ka 20 tarik, bud sa ki jingïakhun pyrshah ïa ka Bangladesh ha ka 22 tarik, ka Bhutan ha ka 24 bad 27 tarik, ka Nepal pat ha ka 29 tarik bad ka Bangladesh ha ka jingïakhun ba pynkut ha ka 31 tarik u Nailar.
Baroh ki jingialehkai kin long ha Changlimithang Stadium Thimphu.
 ka samla Alisha Lyngdoh bad ka nongialehkai pdeng (Midfielder) ka samla Bonifilia Shullai na Meghalaya, ki la shah jied haka kynhun ialehkai ka Football ka India ban ialehkai ha ka SAFF U-17 Women’s Championship ka ban long shen ha Bhutan.){kind=link}