Shillong, Nailar 14: Kawei ka Ophisar bad uwei Pulit ka Meghalaya Civil Defence & Home Guards kila shah jied ban ioh ia ka khusnam Meritorious Service Medal (MSM) ha ka sngi rakhe ïa ka sngi laitluid kaba 79 jong ka Ri India.
Kat kum ka jingpynbna naka Ministry of Home Affairs ka Sorkar Pdeng, la pyntip ba ka Ophisar Badalyne Kharkongor jong ka Divisional Commandant of Home Guards bad u Naik Parsing Ch Marak jong ka Central Training Institute of Civil Defence & Home Guards kin shah pynkupburom daka Meritorious Service Medal na ka tnat Civil Defence & Home Guards Department ka Jylla.
Lah ban pynpaw ba katkum ka Notification Nos. 88-Pres/2023, 89-Pres/2023, 90-Pres/2023 bad 91-Pres/2023 ba 14.10.2023 naka Ophis President’s Secretariat, ia ka service medal bad gallantry medal jong ki saw tylli ki Tnad-ka Police, Fire Service, Home Guard & Civil Defence bad Correctional Service la pyniasoh lang sha ki saw tylli ki takma la la ka jong kaba mut ba ia kajuh ka service bad gallantry medal yn ai sha ki Ophisar bad ki Pulit na kine ki saw tylli ki tnad.
 ha ka sngi rakhe ïa ka sngi laitluid kaba 79 jong ka Ri India.){kind=link}