Shillong, Jylliew 14: Ka Meghalaya State Commission for Women (MSCW) kala pynpaw ia ka jingkyndit ba ka Sorkar kala shu wengkam syndet ia ka Kong Phidalia Toi kum ka Chairperson ka Commission khlem da iaid kat kum ki kyndon Ain.
Ka kyrwoh bala pyllait da ka MSCW hynne ka sngi Balang ka ong “Ka MSCW kala pynlong ia ka jingialang ba kyrkieh ha ka 13 tarik Jylliew ha Ophis, ha kaba baroh ki Dkhot kiba iadonlang, kila pynpaw ia ka jingkyndit ban iohi ia ka khubor bala wengkam ia ka Chairperson ka Commission da u Myntri ka tnad Social Welfare Bah Paul Lyngdoh”.
“Kane ka jingweng bala pynbna lyngba ki lad pathai khubor ka dei kaba la leh palat ia u pud bad kaba leh pyrshah ia ki kyndon ka ain, ka Meghalaya State Commission for Women Act, 2005” kala bynrap.
Ka kyrwoh kala ong ruh ba u Myntri ula ioh ia ki jingtip kiba bakla ba ong “Ka Chairperson kala jah haduh 3 na ki 4 tylli ki jingialang jong ka Commission”.
“Kat kum ka jingshisha hi, baroh ki jingialang ka Board jong ka MSCW la pyniaid da ka Chairperson” kala ong haba bynrap ba ki minutes (jingiakren) jong ka jingialang bad baroh ki jingbuh jingthoh ia kaba la buh ha ka Ophis jong ka Commission Chapter II section 4 (3) jong ka Meghalaya State Commission for Women Act, 2005 ka ong “…Ym lah ban shu wengkam iano iano ruh hapoh kane ka sub-section tad haduh ba ia u/ka la dep ban ailad ban shngap ia kaei kaba ki don ban batai halor kane ka kam”.
Ka kyrwoh ka ong ruh ba ka Chairperson kala shem ba kala shah weng na ka shuki lyngba ki lad pathai khubor kiba mih ha ki social media bad bynrap “Kam shym la don ka jingai notice halor ki jingkynnoh pyrshah ia ka lane ka jingailad ba kan pynksan ialade kat kum ki kyndon ka ain”.
 kala pynpaw ia ka jingkyndit ba ka Sorkar kala shu wengkam syndet ia ka Kong Phidalia Toi kum ka Chairperson ka Commission khlem da iaid kat kum ki kyndon Ain.){kind=link}