Shillong, Naitung 24: Ka Khasi Hills Autonomous District Council (KHADC) ka la kyntu ia ka Meghalaya Commercial Truck Owner & Drivers Association (MCTODA) ban ai ia ki sabut haba iadei bad ka jingkynnoh ba don haduh 16 tylli ki khyrdop talasi (Check Gate) jong ka KHADC ha Ri-bhoi district kiba lum pisa.
Haba ïakren sha ki lad pathai khubor u Executive Member (EM) Bah Powel Sohkhlet u la ong “Ka seng ki nongñiah trok ka dei ban ai ïa ki jingtip bad ki sakhi kiba thikna, kynthup ïa ki jaka ba don ki 16 tylli ki khyrdop talasi (Check Gate) ha Ri-bhoi District kiba lum khajna ha ka kyrteng jong ka KHADC”
U Bah Powel u la pynthikna ba ka KHADC kan sa leh eiei lada lap ba ki jingkynnoh ki long kiba shisha kynthup ban ujor sha ki bor ba dei peit.
“Hynrei lada ki seng nongñiah trok ki shu kynnoh khlem jingpynshisha, kan long kaba eh ïa ngi ban shimkhia halor kane ka kam” u la pynpaw.
Ka jingkren jong u EM ka KHADC ka long hadien ba ka seng ki nongñiah trok ka la ïakynduh ïa u Deputy Commissioner ka Ri Bhoi district da kaba kynnoh ba ka KHADC ka pynïaid bun tylli ki khyrdop lum khajna na ki trok.
U EM u la pynpaw ba ka jingkynnoh ka long ka bym don nongrim namar ba ka KHADC ka pynïaid tang 3 tylli ki khyrdop talasi (Check Gate) ha Ri Bhoi district kiba la treikam la bun bun snem.
Haba phai sha ka Manifesto ilekshon jong ka Voice of the People Party (VPP), u Bah Powel Sohkhlet u la ban jur ba ka party ka angnud ban weng noh ia ki khyrdop talasi be-ain ym ia ki khyrdop talasi kiba treikam katkum ka ain hapoh u pud u sam jong ka Council.
Hynrei u la ong ba ka shong ha ki synshar district ban shimkhia ia ki khyrdop ki bym dei jong ka Council.
 ka la kyntu ia ka Meghalaya Commercial Truck Owner & Drivers Association (MCTODA) ban ai ia ki sabut haba iadei bad ka jingkynnoh ba don haduh 16 tylli ki khyrdop talasi (Check Gate) jong ka KHADC ha Ri-bhoi district kiba lum pisa.){kind=link}