Shillong, Nailur 23 : Kawei ka khynnah 10 snem, kala dkhat jubor iala ka jong ka jingim da u tyllai phasi ha Mawryngkneng, East Khasi Hills tang namar ba ki Kmie Kpa kila kyntait ban ai mobile phone ia ka.
Kane ka jingjia kala jia ha ka por 3 baje janmiet sngi U Blei ha ka shnong Thangshalai, Mawryngkneng.
Ka khubor Pulit ka iathuh ba ki Kmie Kpa kila bthah iala ka Khun ba kan pule kot shuwa haba ka pan ialehkai ia ka mobile phone khlem da poi pyrkhat ba ka khun kan shim ia kat kane ka sienjam.
Ki iathuh ba kane ka Khynnah namar ka jingdom palat bym ioh phone, kala leit shala ka jong ka kamra bad dkhat jubor iala ka jingim.
Ki Pulit kila pynkit ia ka metiap sha hospital bad hadien kila aiti sha ki bahaiing hadien bala pyndep ia ka post mortem.
