Shillong, Nailar 27 : Ka Sorkar Jylla kala pynmih ia ka jingpynbna ban pyntreikam noh ia ka Online Building Permission System (OBPS), kaba la pyllait ha ka 11 tarik Nailar.
Kane ka OBPS ka thmu ban pynbeit ryntih ia ka rukom pyniaid ia ki aplikeshon jong ki building plan bad wanrah ia ka jingtreikam kaba shai bad kaba sted.
Ka jingpynbna bala pynmih ha ka sngi Balang ka ong “Ka OBPS ka buh ba ki Architect, Engineer, Town Planners bad ki Consulting Firms, ba kin register ialade khnang ba kin ioh rung ha kane ka portal ban aiti bad ban pyniaid ia ki aplikeshon jong ki building plan”.
Ka bai register ba treikam ia ki Engineers, Town Planners, and Consulting Firms kan iai bteng ban long kumjuh kat kum bala buh ha ka notice No. MUDA.BP/188/2007-08/ u bnai Iaiong 2018.
Ia ki Architect bala register bad ka Council of Architecture (CoA), kan ym don shuh ka jingshim ia ka bai register lait noh tang ka jingpyniaid ia ka kam ne processing fee ba T.100.
Ki Agency liang manla ba lai (third party), ki Institute ne ki Tnad Sorkar ba la buh ban mynjur lane ban bishar ia ki jingpynwandur ia ki jingtei (structural design)/ki jingdro ia ki project, kin hap ban rung ialade ha ka OBPS bad kan ym don sati aka jingshim pisa bai register ne bai pyniaid kam.
Kane ka OBPS la khmih lynti ba kan pynsuk ia ki kam ba iadei bad ka jingai jingmynjur ia ki plan shna iing, pynduna ia ka por ha ka jingpyniaid ia ki kam, bad ban nang wanrah ia ka jingtreikam kaba shai.
, kaba la pyllait ha ka 11 tarik Nailar.){kind=link}