Shillong, Naiwieng 14: U Myntri Rangbah ka Jylla Conrad K Sangma hynne ka sngi nyngkong, ula pyntip baka jingpynhreh ia ki kam ki jam kila sdang mynta ha kaban lah pynkynriah noh ia ka ktem ki CRPF na Mawlai.
U Myntri Rangbah ula pyntip hadien ka jingialang bad ki Rangbah Shnong ka Mawlai.
“Ngi la leit ban iakynduh ia ki Rangbah Shnong bad ha ka jingiakren, ngi la dep batai ha ki ba ki jingpynkhreh ia ki jingdonkam baroh ban pynkynriah ia ka ktem CRPF na Mawlai kila sdang” ula ong.
Haba pyntip halor ki jingbun jyrwit jyrwat ha kane ka kam, u Myntri Rangbah ula ong “Ngi hap ban trei thikna halor kane namar ki don shibun ki jyrwit jyrwat kaba ngi hap ban pynbeit bad don ruh bun ki kam kiba ngi hap ban khmih…namar kata ngi la batai ia kiei kiei baroh bad ia kiei kiba ngi la leh ha kine ki 2 ne 3 snem”.
“Ngi don ia ka plan kaba biang eh kumno ban jam shakhmat bad ngi dang ap mynta ia ki jingbthah na ka MHA bad na baroh lai kynhun kiba iadon bynta ha kane ka kam, kata ki paid nong Mawlai, ka Sorkar Meghalaya bad ki CRPF” ula ong.
“Ngi sngew ba baroh lai kynhun kin mynjur lang bad ngi kyrmen ba ngin lah ban sdang noh ia ka jingpynkynriah” ula bynrap.
