Shillong, Nailur 19: Ka tnad Urban Affairs ka Sorkar Meghalaya haka jingiatreilang bad ka Shillong Municipal Board (SMB) haka 17 tarik Nailur ka la pynsdang ïa ka ‘Swachhata Hi Seva’, ka program pynkhuid shnong ha baroh kawei ka ri kaban sdang naduh ka 17 tarik u Nailur haduh haduh ka 2 tarik Risaw 2025.
Haba kren ha kane ka sngi ka Secretary ka Tnat pynroi sor ka W. A. M. Booth Shadap, kala ong “Naduh ba la sdang ha u snem 2014, ka Swachh Bharat Mission ka la kylla long ka jingiashim bynta daki paidbah na ka bynta ka ri India kaba khuid, kaba la sdang naduh 2 tarik Risaw 2014 kaba la poi sha man la ki thliew iing jong ka jylla”.
Ka la pynpaw ba ki don palat 3 lak ngut ki samla pule kiba la shim bynta ha kane ka mission ha kaba pyni ïa ka bynta jong ka Generation Z ha kaba pynlong ïa ka jingkylla ha ka rukom pynkhuid jaboh bad ka jingthmu ban wanrah ka khuid ka suba.
Ka kongdan ha kane ka sngi kala pynbam smai ïa ka jingkular Swachhata Hi Seva, kaba pynskhem ïa ka jingshimkhia jong ki paidbah halor ka jingkhuid jingsuba.
Naka liang u Joint Director ka tnad pynïaid sor u Bah K Kharumnuid u la pynksan ïa ka jingthmu jong ka Swacch Bharat Mission ban long ka “India kaba lait na ki jaboh” lyngba ka jingpynïaid ïa ki jaboh jabaiñ bad ka jingpynkhuid ïa ki jaboh jabaiñ.
U la kdew ba ka Meghalaya ka pynmih kumba 315 ton ha ka shisngi (TPD) ki jaboh jabaiñ man ka sngi ha ki jaka sor. 215 tylli ki jaka pyntreikam ia ka TPD ki don mynta ha kaba 91 tylli ki TPD la pynwandur hapoh ka Swachh Bharat Mission 2.0.
U la kyntu ia ki nongshong shnong ban bret iaki jaboh da ka jingkitkhlieh bad ban pyndonkam biang iaki jaboh lada long kaba lah.
Ula pyntip ruh ïa ka jinglong jingman jong ka Meghalaya kaba lait na ki jaka leit pathar bad pynbna ïa ki jingthmu na ka bynta ki jaka pynkhuid jaboh ha kylleng ka nongbah hapoh ka Swachh Bharat Mission 2.0.
Ki jingthmu ba kongsan jong ka Swaachta Hi Seva ka kynthup ka jingpynkylla ia ki jaka ba la thmu ban pynkhuid lane Transformation of Cleanliness Target Units (CTUs), ka jingpynkhuid iaki jaka paidbah, jaka paidbah kiba khuid – ka jingkhuid jingsuba kyllum bad ki kam swachhata ha kylleng ki jaka paidbah, SafaiMitra Suraksha Shivir-ki ktem Seva, Suraksha bad Samman kiba don tang kawei ka jingkhang na ka bynta ban peit bniah ia ka koit ka khiah bad ka jingbha jingmiat jong ki nongtrei jingkhuid jingsuba, ki jingrakhe ba khuid-ki jingrakhe kiba iadei bad ka mariang bad ki bym don jaboh jabaiñ, Ka jingiasaid na ka bynta ka Swachhata- ka jingpynphriang ia ka khubor jong ka Swachhata da kaba pynleit jingmut ha ka Gram Sabha na ka bynta ban pynbna ia ka ODF Plus Model bad ka Swachh Sujal Gaon ha ki thain nongkyndong jong ka ri India.
Ka jingïakren kaba kongsan tam jong kane ka jingïalang ka long ka jingïakren hapdeng ka “Ka jingpynïapher ha ka tynrai, ka nongrim na ka bynta ka jingpynïaid beit ïa ki jaboh,” ha kaba ki riew shemphang ki la ïakren halor ka jingkyntiew ïa ka jingkhuid jingsuba, ka jingpynsngewthuh ïa ka mariang.
Ki riew pawkhmat ki kynthup kiba don bynta ha kane ka jingialang ki kynthup W. A. M. Booth Shadap, IAS K. Kharumnuid, R. Kharbikhiew, Deputy Secretary, K. Wahlang, Joint Director (Technical), F.B. Chyne, Executive Engineer, Shillong Municipal Board, M. Lyntan, Executive Officer, Shillobg Municipal Board, R. Budnah bad B. Nongrum, Executive Engineers, Urban Affairs Department nalor kiwei ki ophisar ka Swachh Bharat Mission, kynthup Jessie Lyngdoh, Brand Ambassador jong ka Swachh Bharat Mission 2.0, ki nonghikai, NSS volunteers bad ki Self-Help Group.
 haka 17 tarik Nailur ka la pynsdang ïa ka 'Swachhata Hi Seva', ka program pynkhuid shnong ha baroh kawei ka ri kaban sdang naduh ka 17 tarik u Nailur haduh haduh ka 2 tarik Risaw 2025.){kind=link}