Agartala, Rymphang 12 : Ka Tipra Indigenous Students Federation (TISF) kaba dei ka student wing jong ka Liang Pyrshah ka Jylla-Tipra Motha Party (TMP), kala pynjur ia ka jingiakhih da kaba pynlong ia ka pakhang surok bad lynti rel ba khlem buh por hynne ka step namar ka jingbym mynjur ban pyndonkam da ki dak roman haba thoh ia ka ktien Kokborok ha ki eksam ka Boord ban long shen.
Kane ka jingiakhih kala mih hadien a u President ka Tripura Board of School Education (TBSE) Dr Dhananjay Ganchoudhury, ula pyntip ba ki samla pule kiba shim ia ka sobjek Kolborok kin hap thoh eksam tang da ki dak Bengali ia ka ktien Kokborok.
Ka TISF kala sdang hynne ka step ban pakhang ia ka surok National Highway-8 bad ka lynti rel khlem da buh por satia.
Ka NH-8 ka dei ka lynti iaid ba kongsan eh jong ka Tripura kaba don ruh tang kawei ka lynti rel kaba pyniasoh bad ka Ri India baroh kawei.
Ka TBSE kan pynlong ia ka eksam Higher Secondary and Secondary Examinations naduh ka 1 tarik Lber bad haduh 5000 ngut ki samla pule riewlum kin thoh ia kane ka eksam. Ki kwah ban thoh ia ka sonjek Kokborok da ki dak Roman ym da ki dak Bengali.
Kane ka jingjia kala pynkhynwin ruh ia ka Iingdorbar Thaw Ain jong ka Tripura.
Ka Kokborok ka dei ka Official Language jong ka Tripura kaba la pynmih jingpynbna naduh ka 19 tarik Kyllalyngkot 1979. Ka Autonomoud Council kala pynbna ia ka Kolbokrok kum ka Official Language ha ki Autonomous District Council naduh ka 20 tarik Iaiong 1999.
 kaba dei ka student wing jong ka Liang Pyrshah ka Jylla-Tipra Motha Party (TMP), kala pynjur ia ka jingiakhih da kaba pynlong ia ka pakhang surok bad lynti rel ba khlem buh por hynne ka step namar ka jingbym mynjur ban pyndonkam da ki dak roman haba thoh ia ka ktien Kokborok ha ki eksam ka Boord ban long shen.){kind=link}