Nongpoh, Jylliew 25 : Ka National Highway Authority of India (NHAI) haka sngi Balang, kala sdang ban maramot ia ki thliew ki syar ha surok National Highway-06, khamtam naduh Nongpoh sha Jorabat, bad ia ka kam la sdang najan Shangbangla.
Kane ka jingmaramot kala jia hadien ka jingud jingnam ki paidbah ia ka jingbun thliew ka surok, kaba buh ha ka jingma ia ki kali kiba iaid manla ka sngi.
Ka NHAI kala shim ruh ia kane ka sienjam hadien ba u nongthoh khubor ka Shlem, ula phone ia u Project Manager ka NHAI halor ka jingmaramot ia ka surok highway bad pynpaw ia ka jingsngewkhia ia ka jingbun ki thliew ki syar kaba la ud da baroh.
Haba iakren bad u Project Manager, ula pyntip nyngkong sha u nongthoh khubor ka Shlem ba ka kam maramot kan sa sdang noh ha kine ki arsngi ban wan. Hynrei, haba u nongthoh khuborula kylli halor ka jingpynslem bad ban jur iaka jing donkam ban maramor noh mardor namar ka jinglong kongsan ka surok, une u Heh ka NHAI ula mynjur ban sdang noh mar mar ia ka kam hynne hi ka sngi Balang.
Ka surok NH-06 ka dei ka surok kaba kongsan bha kaba pyniasoh ia kiwei ki Jylla ka thain Shatei Lam Mihngi.
 haka sngi Balang, kala sdang ban maramot ia ki thliew ki syar ha surok National Highway-06, khamtam naduh Nongpoh sha Jorabat, bad ia ka kam la sdang najan Shangbangla.){kind=link}