Kohima, Nailar 31: Ka Nagaland kala wan ba nyngkong eh na ki Jylla ka thain Shatei Lam Mihngi ka Ri India ban sdang ia ka Aadhaar Linked Birth Registration (ALBR) hynne ka sngi Palei.
Ka Sorkar Nagaland kala shim ia kane ka sienjam ban plie lynti ia ki Khynnah ba kin ioh ia ki skhim ka bha ka miat ba bun jait n aka bynta ka jingmyntoi jong ki.
U Commissioner ka Sorkar Nagaland T Mhabemo Yanthan ula kdew ia ka jingkongsan jong ka ALBR ban pynrung kyrteng ia baroh ki Khunlung ba dang khah bad pynthiknaban pynrung kyrteng lang ia ki Khynnah kiba hapdeng 0-5 snem.
Ula kyrpad ia ka jingiatreilang jong ki Heh Sorkar ban pynthikna ia ka jingjop ha ka jingpyntreikam ia ka ALBR ha baroh ki District jong ka Nagaland.
Ka UIDAI’s Regional Office ha Guwahati kala iatrei ryngkat ryngkat bad u Commissioner ka Nagaland ula shakri kum u Nodal Officer ba iadei bad ki kam Aadhaar hapoh ka Jylla.
U Director ka UIDAI, Col. Abhishek Koushik, ula ai ka jingiaroh ia ka Sorkar Pdeng ba ka lam khmat ia ka thain Shatei Lam Mihngi ha ka jingpyntreikam ia ka ALBR.
Pule ruh: Thaw ka KSA bad JSM da ka Committee ban wanrah jingsuk ha khappud Khanduli
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 hynne ka sngi Palei.){kind=link}