Mairang, Jymmang 12: Ka ophis jong u District Sports Officer Nongstoiñ, ka la pynsdang mynta ka sngi ka 12 tarik Jylliew ïa ka District Level Inter school Subroto Mukherjee Cup Football Tournament 2025 ha madan Dommawlum, Mairang.
Khatlai tylli ki skul na kylleng ka Eastern West Khasi Hills district ki la thep kyrteng ha kane ka tournament. Ka jingïalehkai kan long ha ki ar bynta ka Under-15 yrs boys bad ka Under 17 yrs boys and girls. Yn sa pynhap pyrda ïa kane ka lympung ialehkai ha ka 18 tarik u Jylliew 2025.
Ka jingthmu jong kane ka lympung ialehkai ka long ban kyntiew ïa ki sap ïalehkai jong ki khynnah skul ha ka liang ka football bad ruh ban dang pynïar shuh shuh ïa ki kam sports hapoh ka district.
Kiba jop ia kane ka lympung kin mihkhmat pat ia ka District sha ka State Level Subroto Cup, ka ban sa long ha ki bnai ban wan.
