Shillong, Jymmang 01 : Ka Khasi Students’ Union (KSU) ha ka sngi Palei,kala sdang ia ka jingiashong kyllain myngor ba khlem pud hakhmat ka Administrative Block ka North Eastern Indira Gandhi Regional Institute of Health & Medical Sciences (NEIGRIHMS) kum ka dak ban pynpaw ia ka jingpyrshah halor ka jingbym lah jong ka Institute ban pyntreikam ia ki jingdawa bapher bapher ba kynthup ia ka jingpyntreikam ia ka bhah ba 80:20 ia ki Kynthei bad Shynrang.
“Ngin ym kynriah nangne na NEIGRIHMS. Kane ka jingiakhih kan iai bteng tad haduh bala pyntreikam ia ki jingdawa jong ngi. Kumta, ngin ap ia u Director ba un leh ia kaba donkam halor kane ka kam” ong u Chairman ka KSU Employment Cell samla Reuben Najiar haba iakren bad ki nongthoh khubor.
Ula pyntip ba u Director ula buh ia u Deputy ban iakren bad ka Seng hynrei “Ngi la kyntait ban iakynduh ia u namar ngin ym iamih satia nangne tad haduh ba u Director dalade ula ai ka jingkular ban pyntreikam noh kloi katba lah ia baroh ki jingdawa jong ngi”.
U samla Reuben ula ong ba ka Sengkala dawa ban pyntreikam noh mardor ia ka bhah thungkam ba 80:20 ia ki shynrang bad Kynthei ha ka thungkam nos, ka rta thungkam bala buh. Ban buh ia ka Exam centre ha Meghalaya bad kiwei kiba iadei bad ka policy thungkam hapoh ka Institute, kiba mynta ki long pyrshah ia ka jingmyntoi ki paid riewlum bad kaba thmu ban ai jingmyntoi ia kiwei ki jaidbynriew ba kin iohkam ha NEIGRIHMS.
“Ngi la dep ruh ban iakynduh ia ki MP ka Meghalaya, uba la thoh mar mar sha ka NEIGRIHMS ban pynbeit ia kane ka kam. Hynrei, u Director ka NEIGRIHMS ula leh kuman bad ula kynnoh pynban ia ka Health Ministry hynrei ngi don ia ki sakhi kiba khlain ban pyni ba ka Ministry kam don bynta pura halor kane bad ka shong eh ha ka Governing Council jong ka NEIGRIHMS” ula ong.
“Kumta, ka NEIGRIHMS da ka jingioh jingbit na ka Governing Council ka lah ban pynurlong ia baroh ki jingdawa bala buh hakhmat da ka Seng. Hynrei sngewsih ba u Director ula kuman halor kane ka kam kaba pynbor ia ka Seng ban wan hangne bad pynlong ia ka jingiakhih ba khlem pud” ula bynrap.
Kat kum ka jingong jong u, watla ka sngi ba khatduh ban pynpoi ia ki aplikeshon kat kum ka jingpynbna laitkam ka long ha ka 28 tarik Iaiong, u Director ka Institute u khlem lah satia ban pyntreikam ia baroh ki jingdawa.
“Lada ki iaid shakhmat bad ka jingthungkam, kan sa ktah ia ka Institute namar ka jingdon jong ki nos shynrang kala tam ban ia ki nos kynthei. Kane kan sa ktah jur bha. Lada ki nos kynthei kila shongthait, yn ym don shuh ki nos kynthei hynrei tang ki nos shynrang ha NEIGRIHMS. Kam don nongrim satia ha lyndet kane ka jingthungkam” ula ong.
Ia kane ka jingiakhih la pynlong hapdeng ka jingpahara kaba jur bha.
 ha ka sngi Palei,kala sdang ia ka jingiashong kyllain myngor ba khlem pud hakhmat ka Administrative Block ka North Eastern Indira Gandhi Regional Institute of Health & Medical Sciences (NEIGRIHMS) kum ka dak ban pynpaw ia ka jingpyrshah halor ka jingbym lah jong ka Institute ban pyntreikam ia ki jingdawa bapher bapher ba kynthup ia ka jingpyntreikam ia ka bhah ba 80:20 ia ki Kynthei bad Shynrang.){kind=link}