Shillong, Iaiong 02 : Ka Jaintia National Council (JNC) lyngba ka Employment Commission, ha ka sngi Balang, kala sdang pyntreikam ia ka “Save Jaintia Mission” da ka jingkhynra Labour Licence ia ki nongbylla bar jylla ha kawei na ki karkhana dewbilat ha East Jaintia Hills.
Ka “Save Jaintia Mission” ka dei kaba la sdang pyntreikam da ka Jaintia National Council naduh ka 14 tarik Nohprah 2024.
Ka JNC hapoh ka jingialam u Chairman ka Employment Commission Bah Ency Shadap bad u Secretary ka Commission Bah Mebanteilang Sukhlain, kala sdang ia kane ka jingkhynra ha Amrit Cement.
La iathuh ba ha kane ka jingkhynra, kane ka Seng kala ioh bat da ki phew ngut ki nongbylla bar jylla ki bym don satia ia ki kot ki sla khamtam ka Labour Licence. Kane ka Seng kala beh noh ia kine ki nongbylla bad maham ruh ia ka kompani ba kam dei ban wan ialam ia ki briew ba nabar khlem ki kot ki sla kiba biang.
Ha kajuh ka por, kala maham ruh ia ka kompani ba kam dei ban thung nongtrei da ki briew ba nabar katba ki dang don ki trai shnong kiba lah ban trei ia ka kam.
Kane ka jingkhynra ka seng ka long shi bynta ban dawa pyntreikam noh iaka mat kiba ka seng kala buh hapoh ka “Save Jaiñtia Mission” kata ban shna noh daki policy kiba thymmai halor ka thungkam thungjam khamtam haki kyrdan kiba ki trai muluk ki dang lah ban trei.
Haba ai jingkren u General Secretary JNC-CEC bah Wanshwa Suting u la ong ba ia ki nongbylla bar jylla ki bym biang ki kot ki sla dei ban beh noh syndon bad ym dei ruh ban wanrah briew nabar ban trei ia ki kam kiba lah ban trei da ki trai muluk.
Ula ong ruh ba ka JN kan ym shong kli kti katba ka jingdawa kam pat seisoh haba pyntip b aka seng kan sa pynlong ruh ia kane ka jingkhynra sha kiwei kiwei ki karkhana kiba don ha Ri-lum Jaintia.
 lyngba ka Employment Commission, ha ka sngi Balang, kala sdang pyntreikam ia ka “Save Jaintia Mission” da ka jingkhynra Labour Licence ia ki nongbylla bar jylla ha kawei na ki karkhana dewbilat ha East Jaintia Hills.){kind=link}