Shillong, Nailur 06: Ki samla pule ka skulbah North Eastern Hills University (NEHU) haka jingialam ka kynhun ki samla NEHUSU hynne ka step kila pynlong ia ka jingiaid paidbah hapoh ka Campus ban dawa bishar thymmai noh ia ka Grading System bala pyntreikam hapoh ka skulbah.
Nalor kane, ki Samla Pule kila dawa ban pynsangeh shwa iaka Result jong ka 2nd Semester kat bym pat pyntreikam ia ka Grading System bad ban bishar bniah biang iaka Results jong ki Semesters kat kum ka Grading System.
Kane ka jingiaid paidbah kala sdang na Central Library bad kala kut ha Administrative Block ha bar ka ophis treikam u vice chancellor (VC) ka NEHU.
Haba poi haka ophis treikam u VC ka NEHU ki samla pule kila dawa ia u bah shongthait noh ha ryngkat ka jingkynnoh ba une u VC um ju sngap iaka jingdawa ki samla pule.
Ki samla pule ki la dawa ba ka University ka dei ban shong bishar thymmai noh ia ka Grading System namar la shem ba kane ka Grading System ba ai da kane ka skul bah ka dei kaba rit tam haba nujor bad kiwei ki skulbah ba don ha kylleng ka Ri.
Kila pyntip ba ka jingioh grade jong ki samla ka kot tang 65-68 % watla ki leh bha katno katno ruh bad kane kala pynduh nong ia ki samla ba kin lah bteng biang ia ki jingpule ha ki kyrdan Master ne ban ioh scholarship.
