Khein kor ki rawon ia ka khusnam Mahindra Thar ban ia ka mynsiem briew
Shillong, Nailur 17 : Ka video ba isangsot kala saphriang ha ki rynsan social media, kaba pyni ia ka ambulance ba kit ia ka Longkmie ba mut leit kha Khun, kala sahkut da ki kynta ha surok ka West Khasi Hills namar ka jingbym don ba ailad ne ai lynti ba kan iaid.
Kane ka Video kaba pynbitar lep ia ki paidbah ka thain kiba iohi ia kane ka jingisohsat jong kane ka Longkmie, kiba la dawa ban dei ban leh tyngeh ia ki briew kiba kah lynti.
Kane ka video ka dei na West Khasi Hills District, ha ka jaka ba pynlong ia ka jingiakop khwai dohkha ha Pamphyrnai, Ksehkohlong, kaba la dap smam da ki kali bad ki paidbhur kiba iatuid sha kane ka jingiakop.
Wat hapdeng ka jingpynpah siren bad pynmeh ia ki emergency light, ki briew ha kane ka jaka, kim shym la ai lynti iaid satia ia kane ka ambulance ba kan poi kloi sha hospital, kaba la pynslem ia ka jingioh jingsumar kane ka longkmie ba armet.
Hadien ba saphriang kane ka video, kala pyni ia ka jingduna ka jingtip bad ka jingburom jong ki paidbah ia ki ambulance kiba kit nongpang bad ka pyni ruh ia ka jingdonkam ban hap pyntreikam pyrrkhing bha ia ki Traffic Rules bad ai jinghikai ia ki kyndon Emergency.
Ka ambulance kala hap ban pynsangeh jubor ia ka jingpyrshang ban iada ia ka jingim jong kane ka Longkmie ba armet tang namar ba ki rawon kila iabeh ban jop ia ka Mahindra Thar, ka khusnam kaba kham kor ban ia ka mynsiem briew.
