Shillong, Lber 03: Ka Tnad Sports & Youth Affairs ka Jylla Meghalaya hynne ka sngi kala pynbna ba kan pyni paidbah lyngba ka Giant Screen iaka jingialehkai Final jong ka Santosh Trophy ka ban ialehkai hapdeng ka Meghalaya bad Karnataka hapoh ka madan King Fahd International Stadium, Riyadh jong ka ri Saudi Arabia.
Iaki Giant Screen yn buh ha Madan lewrynghep Laitumkhrah, Madan Heh Stadium Mawlai Phudmuri, Khyndai Lad bad ha Iew Rynjah naduh ka por 9 baje jong ka miet 4 tarik mynta u bnai.
Lah ban kdew ba kane kadei ka sien ba nyngkong ba ka jylla Meghalaya kan iakhun iaka nam lahduh haka jingialehkai Phutbol Santosh Trophy
