Shillong, Nailar 10: U Lat ka Jylla u CH Vijayashankar hynne ka sngi ula sam ia 15 tylli ki Smart Glasses sha ki nongioh jingmyntoi kiba don jingduna ha ka bor iohi ha ka jingialang kaba la pynlong da ka Composite Regional Centre for Skill Development, Rehabilitation and Empowerment of Persons with Disabilities (CRCSRE) Shillong, ryngkat ka jingiatreilang bad ka Voice of Specially Abled People, VOSAP, ha Lok Bhavan.
Hon’ble Governor of Meghalaya, Shri CH Vijayashankar, distributed Smart Glasses to 13 visually impaired persons at Lok Bhavan Shillong. The initiative, in collaboration with VOSAP and CRCSRE Shillong, promotes accessibility, independence and inclusion through assistive technology pic.twitter.com/78MkWg0UrE
— Lok Bhavan, Shillong (@lokbhavanmeg) August 10, 2026
Kane ka tiar kaba ai jingiarap la aiti sha ki nongioh jingmyntoi kiba iadonbynta bad ka CRCSRE Shillong ban kyntiew ia ka jinglaitluid ha ki kam kiba man la ka sngi.
Haba kren ha ka jingialang kum u Kongsan, u Lat ula iaroh ia ka sienjam kaba la shim bad leh da ka CRCSRE Shillong.
“Nga ai khublei ia ka jingpyrshang jong u Ram Shakal Sahani, Director, CRCSRE Shillong bad Uttam Ojha, Divyangbandhu bad Adviser, VOSAP, ia ka jingnoh synniang ka jongki ha kaban kyntiew ia ka jingai jingiarap lyngba ki kor teknoloji na ka bynta ki briew kiba don jingduna ha ki dkhot met” ong u Vijayashankar.
Ula ong ba ka CRCSRE Shillong kala leh ia ka bynta kaba kongsan na ka bynta ka bha ka miat jong ki briew kiba don jingduna ha ki dkhot met ha ka jylla.
“Ka ophis jongka CRCSRE Shillong kala iai bteng ban shimkhia bad leh ia ki kam kiba radbah na ka bynta ka bha ka miat bad ban pynkup bor ia ki briew kiba don jingduna ha ka dkhot met hapoh ka jingialam u Ram Shakal Sahani. Nga sngewnguh ia ka jingtrei met bad mynsiem jongka CRCSRE Shillong ban ai jingshakri bad ban plie lad ia kiba don jingduna ha ki dkhot met ban ioh ia ki jingiarap da ki kor teknoloji” ong u Lat.
U Vijayashankar ula kyntu ban iai bteng ha kaban pynleit jingmut ban kynthuplang ia baroh bad ban pynkup bor ha kylleng ki bynta jongka Meghalaya.
“Nga pynshlur ia ka CRCSRE Shillong bad ia baroh kiba donbynta ban bteng ia ka jingtrei shitom ka jongki na ka bynta ka bha ka miat, Rehabilitation bad jingpynkup bor ia ki briew kiba don jingduna ha ka dkhot met ha kylleng ki bynta jongka jylla Meghalaya. Ka long kaba kongsan ba ngin don ia ki sienjam treikam kiba iaineh kaban kyntiew ia ka jingkynthuplang, ka burom, jinglaitluid bad ka lad kaba mar kumjuh ia ki briew kiba don jingduna ha ki dkhot met” ula ong.
U Nongseng ia ka VOSAP u Pranav Desai ula iasnohkti lang ha ka prokram bad kren halor ka kamram jong ki kor ki bor kiba ai jingiarap ha kaban kyntiew ia ka jinglaitluid bad ka jingioh ia kiba bun ki lad.
Ha kane ka jingialang la iadonlang u Uttam Ojha, Divyangbandhu bad u Adviser, VOSAP bad kiwei kiwei ki heh ki hain kiba kynthup ia u Ram Shakal Sahani, Director, CRCSRE Shillong, L. Kynjing, Commissioner for Persons with Disabilities bad Bridget Warshong, Deputy Commissioner for Persons with Disabilities, ki nongtrei, ki kmie ki kpa bad kiba ioh jingmyntoi .
U Ram Shakal Sahani ula ai khublei ia u Lat ka Jylla halor ka jingplie ia kane ka prokram kum u kongsan bad ban ai mynsiem ia ki jingpyrshang ka CRCSRE Shillong.
 Shillong, ryngkat ka jingiatreilang bad ka Voice of Specially Abled People, VOSAP, ha Lok Bhavan.){kind=link}