Shillong, Rymphang 07: U Myntri Rangbah ka Jylla u Conrad K Sangma hynne ka sngi ula sam iaki Cheque ba T.50,000 kawei ka kynhun, shaki 120 tylli ki kynhun Self Help Group (SHG) naka skhim Pradhan Mantri Krishi Sinchayee Yojana (PMKSY Watershed Development Component 2.0).
Ha kane ka sngi la don lang kiwei ki Myntri Sorkar ba kynthup ka Kong Ampareen Lyngdoh bad u Bah Comingone Ymbon haka jingdon lang ki heh ophisar ka Sorkar bad ki riewpaidbah.
Haba ai jingkren, u Conrad ula ong ba ka jingpynkhlain iaki SHG naduh ki shnong haki thain kyndong, kala pynlong iaka Meghalaya kum ka Jylla kaba kiew bha ha baroh kawei ka Ri ban pyntreikam iaka skhim PMKSY-WDC.
U Conrad ula ong ba ka um ka dei ka spah ba kongsan tam ia kano kano ka ri jong ka pyrthei bad ka jingioh ia ka umbam umdih kaba shngain bad ba khuid ka long ka jingtynjuh kaba khraw ia kiba bun ki ri.
“Baroh ki jingwad bniah ki pynpaw ia ka por ban poi ka jingkyrduh um” ula ong haba bynrap “Ka Meghalaya ka dei kaba la kyrkhu da ka jingdon bun ki tyllon ong hynrei ka jingeh hangne ka dei ka jinglah pynlang ia ka um bad ka jingbym nang ban pyndonkam bha ia ki um ba ka Jylla ka ioh.
U Conrad ula ong “Kaei kaab ngi leh mynta ka dei ka sienjam kaba khraw bha ha kaban pynthikna ba ki um bad ki tyllong um ki dei kiba la sumar bha”.
Shuwa kane, u Myntri ka Tnad Soil & Water Conservation Marcuise N Marak ula ong ba ka PMKSY ka lah shim ia ka bynta kaba kongsan bha ha kaban pynlong ia ki SHG ba kin lah ban leh ia kiba bun ki kam kiba kyntiew ia ka kamai kajih.
Ki SHG na kylleng ka Ri-lum Khasi, Jaintia bad Garo kila pynsngew ia kaei ka jingshem jong ki ha kane ka jingialang.
 naka skhim Pradhan Mantri Krishi Sinchayee Yojana (PMKSY Watershed Development Component 2.0).){kind=link}