Shillong Risaw 15: U MLA ka South Shillong u Bah Sanbor Shullai, ha ka Sngi Saitjaiñ ula pynlong iaka jingrakhe Pre-Durga Puja & Deepawali Get-Together for Harmony-2023 bad ha kane ka jingrakhe ula sam ia ka jingiarap pisa kaba kot T.7,50,000 sha ki 27 tylli ki Puja Committee.
Kat kum ka kyrwoh na u Secretary ka MCIC bah Anthony Marwein, ula pynpaw ba kane ka jingai jingiarap kadei kaba la ai lyngba ka SUWP Scheme 2023-24 kaba long kum ka jingkyrshan ia kitei ki Puja Committee ba kin lah ban pynlong iaka jingrakhe iaka Durga Puja bad Deepawali ha ki shnong ki jong ki.
U Bah Sanbor ula kyrpad ia baroh kiba la ioh jingiarap ba kin kynthup lang ia ki khynnah kiba wan na ki longïing baduk ban ioh iashimbynta ha ka jingrakhe iaka puja.
Ha kane ka sngi u Bah Sanbor ula pynbna ba ka Committee kumba ju leh man la u snem, kan pynlong ia ka Pre-Christmas Get-Together ha ka taiew ba nyngkong jong u Nohprah ha kaba yn sam jingiarap pisa sha ki Balang Khristan bapher kiba don hapoh jong ka South Shillong Constituency.
