Agartala, Rymphang 16: Hadien ba ka Tripura ka la sdang ia ka jingiathep vote shapoh ka iingdorbar Assembly kaba don 60 ngut ki dkhot naduh mynta ka step sngi Palei, la sakhi ia ki katto katne ki jingjia jong ka jingiakynad bad jingkulmar ha ki katto katne ki jaka.
Ha kawei na kine ki jingjia, la ong ba ki don ki katto katne ki polling agents ki ba la ngat ha ka jingshah thombor hynne ka step hapoh ka Booth No. 3 bad 4 jong ka Shalgarh Centre kaba hap hapoh 33-Kakravan constituency.
Ha kawei pat ka jingjia, uwei u nongkyrshan ka CPI(M) u la ngat ha ka jingshah thombor shabar ka Kalacherra polling station kaba hapoh the 36-Shantirbaazar constituency jong ka South Tripura district.
Katkum ki khubor la ong ba la pynkit noh ia une u nongkyrshan ka CPI(M) shapoh hospital na ka bynta ban ioh jingsumar, bad hadien ka jingtohkit um shym la lah satia ban iathuh ia ki kyrteng jong ki briew kiba donkti ha kane ka kam thombor.
Ha kawei pat ka bynta halor kane ka jingjia la ujor da ka Suo Motu FIR hapoh Shantirbaazar Police Station ha the South district.
