Shillong, Jymmang 24: U samla Menangmankhraw Kharkongor bad u Gaurav Bharali kila ioh bat iaka kyrdan kaba nyngkong ha ka Higher Secondary School Leaving Certificate (HSSLC) Arts ne klas XII Arts mynta u snem.
Ka Meghalaya Board of School Education hynne ka sngi thohdieng kala pynbna paidbah ia ka Result jong ka Higher Secondary School Leaving Certificate (HSSLC) Arts.
U samla Menangmankhraw Kharkongor na St. Anthony’s Higher Secondary School, Shillong bad u Gaurav Bharali ka St. Edmund’s Higher Secondary School, Shillong kiba la ia ioh mar 468 marks kila ioh bat iaka kyrdan kaba nyngkong eh ha ka HSSLC ne klas XII Arts.
Ka Tanisha Das jong ka Don Bosco College, Tura kaba la ioh 451 marks kala wan baar katba u Salseng Marak na ka Don Bosco College, Tura uba la ioh 450 marks ula wan ha ka kyrdan kaba lai.
Kila don 27374 ngut kiba la ialeh iaka eksam HSSLC bad kiba la pass ki long 21833 bad ka jing pass mynta ka kynti ka long 79.76%.
Na ki District, ka Eastern West Khasi Hills ka dei kaba don bun eh ki samla kiba pass kaba la kot ia ka 92.32%, bud sa ka East Khasi Hills kaba kot 89.96%.
Kaba duna eh na kiba pass ka dei ka West Garo Hills kaba kot 65.60%.
Ka result ka pyni ba ki kynthei kiba pass kham bha ban ia ki shynrang la ka dei ha kiba ialeh regular ne ki non regular.
Na kiba ialeh regular, ki kynthei kiba pass kila kot 89.81% katba ki shynrang ki kot 83.12%. Ha ki non regular pat, ki kynthei kiba pass ki kot 44.65% katba ki shynrang ki kot 38.12%.
