Shillong, Jylliew 14: Ka Liang Pyrshah Voice of the People Party (VPP) kala ai jingmut ba ka percentage jong ka jingsam bhah na ka State Reservation Policy ia ki paid Khasi-Jaintia bad Garo, Scheduled Caste bad kiweiki riewlum ka dei ban pynshong nongrim na ka jingdon paid jong ki kat kum ka khana samari 1971 haba ban jur ruh ban ithuh ia ki paid Khasi-Jaintia kum kawei ka Jaidbynriew.
Ha ka shithi sha ka Expert Committee on State Reservation Policy hynne ka sngi Thohdieng, u President ka VPP Ardent M Basaiawmoit ula ong “Ka percentage jong ka jingsam bhah ia ki Khasi-Jaintia, Garo, Scheduled Caste bad kiwei ki riewlum kadei ia kaban pynshong nongrim naka jingdon paid jong ki kat kum ka khana samari 1971. Ka Jaidbynriew Khasi-Jaintia ka dei ia kaban niew kum kawei ka Jaidbynriew”.
U Bah Ardent ula ong ba ka State Job Reservation Policy watla ka kdew shai ba “ka jingmihkhmat kan long kat kum ka jingdon paid” hynrei ym shym la shim pat ia ka jingkhein jong ka khana samari haba sam ia ka percentage jong ka jingsam bhah.
“Namar kata, ka jingsam ba 40 % ia ki Khasi-Jaintia, 40 % ia ki Garo bad 5 % ia ki SC bad kiwei ki ST ka dei ka bym iahap satia bad bym biang jingkhein. Ka jingsam percentage ka dei kaba shu mutdur ha ka jaka ban iaid kat kum ka jingkhein. Kumta, ka dei kaba iaid pyrshah ia ka jingthmu jong ka policy” ulaong haba bynrap “Ka jingbym lah jong ka Sorkar Meghalaya ban pyntreikam ia ka Roster System haba pyntreikam ia ka Job Reservation khatduh ka dei kaba la pynbeit da ka hukum jong ka Iingdorbar Meghalaya High Court ha u snem 2022”.
U Bah Ardent ula ong ruh ba dei ban ai percentage la ka jong ia ki SC bad kiwei ki ST haba buh kyndon ba ka jingthungkam ia ki ha ka reserve (bala bhah) bad unreserved post ( bym don bhah) hapoh ka Jylla ka dei ban long ba ki dei ban nang kren ia ki Association Official Language ka Jylla kata Khasi lane Garo.
“Tang ki nongshongshnong ka Meghalaya ki dei ia ka ban shah thungkam la ka dei ha ki kam bala buh bhah ne pat buh bhah ha Meghalaya” ula bynrap.
 kala ai jingmut ba ka percentage jong ka jingsam bhah na ka State Reservation Policy ia ki paid Khasi-Jaintia bad Garo, Scheduled Caste bad kiweiki riewlum ka dei ban pynshong nongrim na ka jingdon paid jong ki kat kum ka khana samari 1971 haba ban jur ruh ban ithuh ia ki paid Khasi-Jaintia kum kawei ka Jaidbynriew.){kind=link}