Shillong, Naiwieng 18: Arngut ki samla pule ka North Eastern Hill University (NEHU) kila mynsaw jur hadien ka jingshah rat ha ka kali Maruti Car bala niah da u Security Guard jong kane hi ka jaka pule, ia kaba la suba jur ba ula shoh khaw-iang ha kane ka por.
Kane ka jingjia kala jia ha ka janmiet sngi Nyngkong por 7 baje eiei hajan ka Gate No-2.
Kine ki samla pule ki dei kiba la tip kyrteng da ka samla Daritngen Pohdukhei bad ka samla Stephanie Shadap, kiba pule ha ka tnad pule Chemistry.
Kat kum ka jingong ki nongsakhi, kane ka Maruti Car, bala niah da u Security Guard, ka dei kaba la pynher bha. Hashuwa ban rat ia kine ki samla pule, kane ka kali kala tynrah shuwa ia ka scooty kaba pynieng hapoh phylla ka skulbah. Hadien kane, kala rat ia kine ki samla pule bad hadien tynrah ia ka khyrdop Gate No 2.
Ia kine ki samla pule la pynkit noh mar mar sha Hospital da ka Ambulance sha Nazareth Hospital bad don hapdeng ka jing shitom kaba jur.
Hadien kane ka jingjia, ki Pulit na ka Mawkynroh Outpost kila poi ha katei ka jaka bad kila kurup noh ia ka kali bad kem ia u security guard uba niah ia ka.
Ki Pulit kila register case halor kane ka jingjia bad ka jingtohkit mynta kala iaid shakhmat.
 kila mynsaw jur hadien ka jingshah rat ha ka kali Maruti Car bala niah da u Security Guard jong kane hi ka jaka pule, ia kaba la suba jur ba ula shoh khaw-iang ha kane ka por.){kind=link}