Nongstoin, Iaiong 09 : Iwei I Heprit ba dang 4 snem duna, ila mynsaw jur na ka jingshah tynrah ha kawei ka Bolero hynne ka sngi ha Shnong Pomdkhar katba ine I heprit I dang wan na Iingmane lem bad I Kmie Kpa.
Ine I heprit I kyrteng I Aidalin Nongsiej, iba dei I khun jong I kong Kesinora Nongsiej ba na Pomdkhar, ong ki Pulit kiba pyntip ba kane ka jingjia kala jia hynne ka janmiet por 3:40 baje eiei.
Kat kum ka jingpyntip ki Pulit, kane ka Bolero ka dei kaba wan na Shillong bad ba thmu ban leit sha Tura. Mar syn tynrah ia ine I heprit, kane ka kali kala phet na kane ka jaka hynrei da ka jingkloi ban pyntip sha ki Pulit, ki Pulit na Shallang Police Station kila ioh ban bat noh iakane ka kali ha Iew Shallang.
Kane ka Bolero ka dei kaba don u nombor ML05-G-9122 bad la niah ia ka da u Hendrick D Sangma khun jong I Johnywell J Sangma ba na Tura.
Ki Pulit kila kurup noh ia ka kali bad kila register case ruh pyrshah ia une u nongniah. Ia ine I heprit la pynkit noh sha Shillong Civil Hospital ban ioh ai ia ka jingsumar ba paka. Ka jingtohkit mynta kala iaid shakhmat.
