Shillong Kyllalyngkot 04: Ka Meghalaya Cricket Association (MCA) kala shim ia ka rai ban ym pynialehkai da ki nongialehkai kiba la tbit ne ki Guest Professional Players na ka bynta ka jingiakhun kaba nyngkong jong ka 2023-24 Ranjit Trophy, hynrei yn shaniah beit ha ki nongialehkai ka jylla kiban iashimbynta ha katei ka jingiakob kaba kongsan tam.
Ka Meghalaya kala pyndonkam ia ki 3 ngut ki nongialehkai ha ka Syed Mushtaq Ali Trophy T20 Tournament bad Vijay Hazare Trophy One Day Tournament kiba kynthup ia u Rajesh Bishnoi, Tanmay Mishra bad u Nakul Verma bad watla kila leh ia la ka bynta, hynrei kadei pat ka jingangnud kaba la slem jong ka MCA ban shim da ki nongialehkai kiba la tbit bha kiba la ioh iaka jinghikai bad jingbtin lynti na ka Association.
Kan dei ka kabu ksiar, ka jingtynjuh bad ka lad na ka bynta ki nongialehkai ka Meghalaya ban pyni ia la ka sap ka phong bad iaka jingtbit ka jongki ha katei ka rynsan kaba heh tam.
Ka Meghalaya kan iakhun nyngkong pyrshah ia ka Arunachal Pradesh ha Anand, Gujarat naduh lashai ka sngi.
Ia ka kynhun ki 15 ngut ki nongialehkai jong ka Meghalaya yn ialam da u Kishan Lyngdoh kum u Captain, u Akash Kumar Choudhary kum u Vice Captain hynrei namar ba u don hapdeng ka jingmynsaw yn duh ban ialehkai ia katei ka jingiakhun, hynrei iaka jaka ka jongu yn shimti noh da u Chengkam Sangma uba dei u nongkawang bol.
Ka kynhun jong ka Meghalaya ka kynthup ia u Arbin Singh, Arien Bonchang Sangma, Bamanbha Shangpliang, Bijon Dey, Dippu Ch Sangma, Jaskirat Singh Sachdeva, Kishan Lyngdoh, Lerry G Sangma, Md Nafees Siddique, Ram Gurung, Raj Biswa, Swarajeet Das, Sanvert Kurkalang bad u Tarique Siddique.
Ki Support Staff ki kynthup ia u Goutam Shome (head coach), Moisten Ch Marak (assistant coach), Surojit Biswas (physio), Vikash Singh Chauhan (trainer) bad u Bah Dister Marbaniang (manager)
Ki jingiakhun ka Meghalaya ki long kumne:-
Meghalaya vs Arunachal Pradesh naduh ka 5 tarik u Kyllalyngkot
Meghalaya vs Hyderabad naduh ka 12 tarik u Kyllalyngkot
Meghalaya vs Nagaland naduh ka 19 tarik u Kyllalyngkot
Meghalaya vs Mizoram naduh ka 26 tarik u Kyllalyngkot
Megalaya vs Sikkim naduh ka 2 tarik u Rymphang
 kala shim ia ka rai ban ym pynialehkai da ki nongialehkai kiba la tbit ne ki Guest Professional Players na ka bynta ka jingiakhun kaba nyngkong jong ka 2023-24 Ranji Trophy, hynrei yn shaniah beit ha ki nongialehkai ka jylla kiban iashimbynta ha katei ka jingiakob kaba kongsan tam.){kind=link}