Shillong, Risaw 17: Ka Meghalaya Cricket Association (MCA) kala pynkhreh nadong hadong ban pynlong ia ka jingiakhun hala iing (hame game) jong ka kynhun ialehkai ka Meghalaya pyrshah ia ka Tripura ha ka Ranji Trophy 2024-25 kaban sdang ha ka sngi Thohdieng.
Kane ka jingiakhun kan sdang ha ka por 8 baje mynstep jong ka sngi Thohdieng bad la buh ruh ia ki jaka shong na ka bynta ki nongpeitkai.
Kane kan dei ka jingiakhun kaba nyngkong jong ka Elite Group kaban long ha Shillong kaba dei ka First Class Domestic Cricket Tournament.
Kane kadei ka jingjop jong ka MCA ha kaban ioh rung sha ka Elite Group mynta ka samoi namar ka jinglah jong ki nongialehkai ban ialehkai bha haka samoi kaba la dep ha kaba ka Meghalaya kala rem noh ha ka Final jong ka Plate Group ha ka Hyderabad.
Ka Meghalaya kala rem ha ka jingiakhun kaba nyngkong da ka Inning bad 65 run ha ka Services ha New Delhi ha kine ki sngi kiba la dep. Ka Tripura kala iakhun nyngkong pyrshah ia ka Odisha hapoh Agartala hynrei ia kane ka jingiakhun la pynsangeh noh bad la shu ia sam mar 1 point.
Ka kynhun jong ka Meghalaya ki kynthup ia u Aryan Borah, Akash Kumar Choudhary, Shembhalang Pyngrope, Bamanbha Shangpliang, Bijon Dey, Chengkam Sangma, Dippu Sangma (V-C), Jaskirat Singh Sachdeva, Kishan Lyngdoh (C), Ram Gurung, Roshan Warbah, Swarajeet Das, Ajay Duhan, Sumit Kumar, Anirudh B.
Ki Standby ki kynthup ia u Adarsh Joshi, Anish Charak, Lerry G Sangma, Yogesh Tiwari katba ki Support staff ki kynthup ia u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer), Dister Marbaniang (Manager).
 kala pynkhreh nadong hadong ban pynlong ia ka jingiakhun hala iing (hame game) jong ka kynhun ialehkai ka Meghalaya pyrshah ia ka Tripura ha ka Ranji Trophy 2024-25 kaban sdang ha ka sngi Thohdieng.){kind=link}