Shillong, Rymphang 03: U Raj Biswa ula kamai 85 run na ka bynta ka Meghalaya hynrei ka Sikkim kala tam da 148 run ha ka jingiakhun ha ka sngi ka ba-ar jong ka Ranji Trophy ha Rangpo hynne ka sngi.
Ka Sikkim kala tied haduh hynnin ka sngi 238 run bad hap 7 wiket bad kala bteng ban tied biang hynne ka sngi bad kala kamai 284 run bad hap lut ki nongtied bad u Ankur Malik ula duh ia ka Century haba ula out noh ha ka por ba ula ioh 91 run.
Ki nongkawang bol ka Meghalaya kiba kynthup ia u Aryan Borah bad u Akash Kumar Choudhury kila ioh khur mar 4 wiket katba u Swarajeet Das ula ioh 2 wiket.
Ka Meghalaya kala leit ban tied hynrei kam shym la lah ban kamai bun bad kala kamai tang 191 run bad hap lut ki nongtied bad dei tang u Raj marwei hi uba la kamai 85 run katba kiwei kiwei ki nongtied kim shym la lah ban kamai palat ia ka 20 run.
U nongkawang bol ka Sikkim u Lee Yong Lepcha ula khur 5 wiket katba u Ankur ula ioh khur 4 wiket.
Kumta haba ka Sikkim kala leit tied haka sien ka ba-ar, kala kamai 55 run bad hap 4 wiket bad kala tam iaka Meghalaya da 148 run.
U Aryan ula shim 3 wiket katba u Akash ula shim 1 wiket.
