Shillong Nohprah 15: U MLA ka South Shillong u Bah Sanbor Shullai, uba long ruh u Chairman jongka Monitoring cum Implementation Committee ka 19th South Shillong Constituency haka 14 tarik u Nohprah ula pynlong iaka jingrakhe iaka Khristmas bad ula sam ia ki skhim sha ki kynhun bapher kaba la kot T. 10,50,000.
U Bah Sanbor ula sam ia katei ka song tyngka lyngba ka SUWP Scheme jong u snem 2022-23, sha ki 27 ki kynhun kiba kynthup ia ki Komiti Balang, Dorbar Shnong, Village Council Com mittee bad Greater Laban Taxi Drivers Association khnang ba kin ioh ban rakhe bad ialeh kmen Khristmas ha ki jaka ki jongki.
U MLA ula kyntu ia baroh kiba la ioh pdiang ia katei ka jingiarap ba kin kynthup lang ia ki khynnah rit kiba wan na ki longing baduk ba kin ioh ban ialehkmen Khristmas ha kaba iphuh iphieng.
La pynwai ia katei ka jingialehkmen da ka jingduwai kaba la buh kyrpang da u Rev. Pastor T. R. Marak, uba long u Nongialam jongka Baptist Church Shillong.
