Shillong Nailur 01: Ka University of Science and Technology Meghalaya (USTM) kala pynlong ia ka 9th Memorial Lecture halor ka phang: “The Legacy of P.A. Sangma, the Role of the Present Government and Meghalaya 2040”, kum shi bynta ban kynmaw burom ia u (L) Purno Agitok Sangma, u nongialam uba iohi jngai ha ka kam politik hapoh ka ri bad u nonglam lynti ia ka sur jong ka thain shatei lam mihngi.
Ka kyrwoh jong u P.A. Sangma ka long: “Man la u nong India, khlem da khein ia ka jaka ba ki wan ne ka jingim jong u ba long kumno, u don hok ban don ia ka sur bad ka jaka hapoh ka miej iakren”.
Ar tylli ki jingrwai kiba kit jingmut kiba kynthup ia kawei ka jingrwai Khasi bad kawei ka jingrwai Garo, kala pynsngewtynnad ia ki jingpynpaw ia ka jingiakhun jong ka jylla, ka jingieid ri bad ia ka jingkmen kaba la pyni da u (L) P.A. Sangma lyngba ka kolshor tynrai.
U Prof. G.D. Sharma u Vice Chancellor ka USTM, ula pynpaw ia ka jingkynmaw halor ka jingiaid lynti ka jongu ban wan sha Meghalaya ha u snem 2008, hashwa ban sdang ia ka USTM ryngkat lang bad u Mahbubul Hoque bad u R.K Sharma. Ha kaba kila iakynduh ia u P.A. Sangma, ha kaba ki kyntien ai mynsiem ki dang iai sawa haduh mynta, “Ka skulbah ka jong phi kadei ban don ia ka kyrdan kaba bha tam ym tang ia ka thain shatei lammihngi, ha ka ri hynrei wat ha ka kyrdan jong ka pyrthei” Mynta kine ki kyntien kila ioh ia ka jingim hapoh jong ka USTM lyngba ka jingjop kiba man la ka por, kynthup ia ka jingioh ia ka kyrdan ha ka Top 200 University bad ban ioh pdiang ia ka NAAC ‘A’ Accreditation na ka bynta 3 sien kynthih.
Ka Violet Baruah, IPS (Retd.) ka Inspector General of Police barim, kala pynpaw ba ka long kaba kongsan ban pdiang ia ka mynsiem jong u nongialam ba khraw u P.A. Sangma, uba don ia ka mynsiem sngewsynei na ka bynta ki para briew bad ka jingiadei kaba kane kaba thymmai, ka jingkiew ka Artificial Intelligence kan ym lah ban mih bujli. Kala pynkut da kaba ong “U P.A. Sangma ula pyni ia ka bor jongka jingdon ia ka jingiadei para briew naduh dohnud bad ngi dei ban pyniaid shakhmat ia kane”.
U MLA ka Umsning Constituency u Dr. Celestine Lyngdoh kum u Kongsan, ula pynpaw ia ka jinglong khraw jong u P.A. Sangma bad ula ong, “Ngi dang rakhe iaka jingim jong u briew uba la ioh ban khur ia kiba bun ki jingjop tang ha ka por kaba khyndiat eh. Ym don uwei ruh ne kynthup ia nga, ban tip ba un long uba khraw, hynrei ula kylla long khraw namar ba ula aiti 100%”.
Hadien kane la sam ia ki khusnam da ka song tyngka sha ki nongjop ha ka jingiakob thoh Essay bad jingiakob dro dur halor ka jingtbit ka jongki ban ai burom ia u P.A. Sangma.
Kane ka jingrakhe kala kut da ka jingkren ai khublei na u Padma Shri u Dr. Sarbeswar Saharia uba long u Pro Vice Chancellor ka USTM.
U P.A. Sangma udei u nongialam uba la ialam bad ai mysniem ban pynlongdoh pynlongsnam ia ka University of Science and Technology Meghalaya bad ia ka PA Sangma International Medical College and Hospital (PIMC). Ki kam kiba khraw ki jongu ki long kiei kiei kiba ym lah ban klet bad ka jingkhraw ka jongu kan iai bteng ban im.
 kala pynlong ia ka 9th Memorial Lecture halor ka phang: “The Legacy of P.A. Sangma, the Role of the Present Government and Meghalaya 2040”, kum shi bynta ban kynmaw burom ia u (L) Purno Agitok Sangma, u nongialam uba iohi jngai ha ka kam politik hapoh ka ri bad u nonglam lynti ia ka sur jong ka thain shatei lam mihngi.){kind=link}