Jowai, Iaiong 7: Ka Ri-lum Jaintia kala rakhe ia ka lehkmen ‘Chad Sukra’ kaba dei ka jingshad tynrai jong ki Pnar haba sdang jong ka aiom bet symbai haka rep ka riang.
Ka Chad Sukra ka mut ka shad suk mynsiem bad ia kane ka jingshad la pynlong ha ka 6 bad 7 tarik Iaiong da ka Sein Raij, Jowai ha Mynkoi Loompydiliongpiah Jowai bad ha kane ka sngi la wan shim bynta da ki samla shynrang, kynthei ha ryngkat ka riam tynrai.
Ha kane ka jinglehkmen mynta u snem kala don ruh ka jingialehkai drama bala ai kyrteng “Dei Wym Yohsa” aba la ynlong ha Community Hall ka Tpeppale, Jowai hynnin ka sngi Saitjain.
Nalor ka jingshad tynrai la pynlong ruh ia ki cultural prokram bad la pynbud da ka jingiaid paidbah bad kynthei bad shynrang kiba phong jain nala tynrai ha Iawmusiang, Jowai.
