Nongpoh, Naitung 12: Ka Northeast Space Application Centre (NESAC), Nongsder, Umiam ha ka sngi Thohdieng, kala rakhe ia ka ‘National Space Day’ ha Ri Bhoi District da kaba ai jinghikai shaphang ki jingiohmyntoi kiba lah ban ioh na ki kor bala phah sha ki haw haw ka sahit bneng.
Ia kane ka jingrakhe la pynlong ha District Library Hall, Nongpoh bad la pynshongkun ia ka da ka jingiadonlang u Dr. Joram Beda, Commissioner Secretary ka sorkar Meghalaya kum u kongsan, u Deputy Commissioner ka Ri Bhoi, U Abhilash Baranwal, u Dr. S.P Aggarwal, Director ka NESAC bad kumjuh ruh ki khynnah skul na ki skul bapher bapher ka RI Bhoi lem bad ki ophisar sorkar.
Kum ban pynkynmaw, ia kane ka National Space Day la rakhe man la u snem, hadien ba ka India ka la lah ban pynhiar ïa u Chandrayaan-3 Vikram ha south polar region jong u bnai ha ka 23 tarik Nailar 2023. Ban kynmaw burom ïa kane ka jingjop, man u snem ïa ka 23 tarik August la pynbna kum ka “National Space Day” da ka Sorkar India.
Haba ai jingkren u Dr. Joram Beda, u la pynpaw ia ka mynsiem jong ka jingkmen ban ioh don bynta lang ha kane ka jingrakhe bad ong ba kane ka jingrakhe ka long ka jingai mynsiem ia kiba bun ki samla pule ba kin ioh mynsiem ban leit pule ia ka saian.
U la ong ruh ba ka ri India, ka dei kawei ka ri, kaba la shim khia bha kumno ban kyntiew ia ka jingstad kiba dei shaphang ki kor ki bor ba pyndonkam ha ki haw haw bad kumba paw, ka ri India ka dei kawei kaba dang sahdien lada ia nujor bad kiwei ki ri ka pyrthei hynrei kala ioh pat ia ka jingjop da ka jinglah ban pynhiar ia u Chandrayaan-3 ha South Pole jong u bnai.
, Nongsder, Umiam ha ka sngi Thohdieng, kala rakhe ia ka ‘National Space Day’ ha Ri Bhoi District da kaba ai jinghikai shaphang ki jingiohmyntoi kiba lah ban ioh na ki kor bala phah sha ki haw haw ka sahit bneng.){kind=link}