Tura, Risaw 17: Ka Meghalaya Board of School Education (MBoSE) kala sdang ia ka jingrakhe dap 50 snem da ki prokram bapher bapher kaban long lai sngi kynthih naduh ka 17 tarik Risaw haduh ka 19 tarik Risaw.
Ban rakhe ia kane ka lyngkhuh snem ba 50, u Director (Administration), Tura ula pynbna ia ki prokram ba kynthup ia ka PPL Presentation halor ka “Milestone of MBoSE’ pyllait ia ka souvenir, ka jingiakop kyntip bad kiwei kiwei ki prokram nala tynrai ban iashimbynta da ki khynnah na ki skul bapher bapher.
Kane ka jingrakhe b alai sngi kala sdang da ka rally ki thuk thuk na ka campus jong ka MBoSE, Tura ha ka por 9:15 baje mynstep ia kaba la iashimbynta da ka NH51, ki Nongtrei ka MBoSE bad ki skul bad la pynkutpat ha Green Haven, New Tura.
Ha ka sngi ba-ar jong ka jingrakhe, u Symbud Myntri Rangbah Bah Sniawbhalang Dhar un leit ban iashimbynta kum u Kongsan ha ka jingiadonlang u Myntri ka tnad pule puthi Rakkam A Sangma, u Commissioner & Secretary ka Tad Pule puthi bad kiwei kiwei.
Ha ka sngi balai kaban dei ka sngi pynkut kata ha ka 19 tarik Risaw, u Myntri Rangbah ka Jylla Conrad K Sangma un pynshongkun kum u kongsan ha ka jingiadonlang u Myntri ka tnad pule puthi Rakkam A Sangma, u Chief Secretary Bah DP Wahlang bad kiwei kiwei.
 kala sdang ia ka jingrakhe dap 50 snem da ki prokram bapher bapher kaban long lai sngi kynthih naduh ka 17 tarik Risaw haduh ka 19 tarik Risaw.){kind=link}