Shillong, Risaw 31: Kum shi bynta ban rakhe iaka lyngkhuh sngikha kaba 148 jong u Sardar Vallabhbhai Patel, hynne ka sngi palei, u Chief Secretary ka jylla u Bah D.P Wahlang ula pynbam smai ia ka National Unity Day ha Main Secretariat.
Ia ka National Unity Day, la pynlong ha ka 31 tarik u Risaw, da kaba pynleit jingmut ha ka mat ‘Raigad Fort for 2024’. Kane ka sngi kadei ban leh burom ia u Sardar Vallabhbhai Patel, u nongialam ba radbah jong ka ri India ha ka jingiakhih ban pynioh ia ka jinglaitluid bad u Symbud Myntri Rangbahduh ba nyngkong jong ka ri bad u Myntri Kam Pohiing ka ri.
Kane ka sngi kadei ruh na ka bynta ban kyntiew iaka jingiatylli bad ia ka jingsuk hapdeng ki nongshong shnong ka ri, kaba pyni iaka jingiohi jngai jongu Patel na ka bynta ka ri India kaba iar.
Ka nongrim jongka National Unity Day kadei kaba la tyrwa da u Myntri Rangbahduh ka ri u Narendra Modi ha ka jingai jingkren ha u snem 2014 bad la pynbna ba la ai jingithuh ha une u snem hi ia ka jingtrei shitom jong u Patel ha kaban pyniatylli ia palat 500 tylli ki jylla sha ka ri India hadien ka jingioh iaka jinglaitluid ha u snem 1947.
