Shillong, Nailar 14: U Myntri Rangbah ka jylla u Conrad K Sangma un pynher ïa ka lama lai rong jong ri bad un shim ïa ka salute ha ka ceremonial parade ha Shillong ha ka 15 tarik u Nailar 2026, kum shi bynta ban rakhe ïa ka Independence Day.
Ka tnat General Administration ka la pynmih ïa ka thup jong ki Kynrem ki Lyndan ki ban pynher ïa ka lama bad ban shim ïa ka salute ha ki jaka treikam jong ki district bad sub-divisional, bad ha ki C&RD Block ha kylleng ka jylla Meghalaya.
Ha ki district headquarters, ki Symbud Myntri Rangbah ka jylla Bah Sniawbhalang Dhar bad u Bah Prestone Tynsong kin pynher ïa ka lama ha Williamnagar bad ha Resubelpara.
U Lamphang ka ïing dorbar thawain u Thomas A Sangma un pynïaid ïa kane ka jingleh burom ha Jowai, katba ki myntri sorkar u Timothy D Shira, u Marcuise N. Marak, u Lahkmen Rymbui, u Brening A Sangma, u Wailadmiki Shylla bad u bah Metbah Lyngdoh kin pynher ia ka lama ha Nongstoin, Nongpoh, Tura, Mawkyrwat, Khliehriat bad ha Mairang.
Ïa u MLA ka Umroi u Bah Damanbait Lamare bad u MLA ka Mawkyrwat u Bah Renikton Lyngdoh Tongkhar na ka bynta ka Baghmara bad ka Ampati.
Ha ka ophis treikam jong ka sub-division, u myntri sorkar u Bah Sanbor Shullai un pynher ïa ka lama ha Sohra. U Deputy Speaker u Limison D Sangma un leh ïa kane ha Raksamgre.
Kiwei pat ki MLA kiba la shah bynshet ki kynthup ïa u Bah Nujorki Sungoh ha Amlarem, u Jim M Sangma ha Dadenggre, u Bah Charles Marngar ha Pynursla, u Ian Botham K Sangma ha Chokpot, u Bah Celestine Lyngdoh ha Mawshynrut, u Bah Shakliar Warjri ha Ranikor, u Bah Gavin Miguel Mylliem ha Patharkhmah, Arbinstone B. Marak ha Rongjeng, u Rupert Momin ha Jengjal, bad u Subir Marak ha Dalu.
Na ka bynta ki C&RD Block, ka MLA ka kong M Ampareen Lyngdoh kan pynher lama lai rong jong ka ri ha Hima Shangpung kaba hap hapoh ka Laskein C&RD Block.
Ka sorkar jylla ka la bthah ïa baroh ki bor pyniaid district ba kin pynbeit ïa ki jingdonkam na ka bynta ban ïaid beit iaid ryntih ki jingrakhe ïa ka Independence Day.
