Shillong, Naiwieng 24: Ka Ïingkashari Judicial Magistrate First Class, North Garo Hills, Resubelpara ka la rai pynrem ïa u Tapon R Marak halor ka jingkynnoh ba u la donkti ha ka kam thombor iaka kynthei.
Ia u Tapon R Marak la rai pynrem bad set phatok san (5) snem hapoh ka kyndon 354/354B/323 IPC ba thombor bad jrong kti ia kawei ka kynthei.
Ïa kane ka kam thombor la ujor ha Resubelpara Police Station ha ka 20 tarik Rymphang 2019 halor ka jingkynnoh ba u donkti ha kane ka kam ba la kdew haneng bad la Register Case vide Resubelpara PS C/No.06(02)2019.
Ka jingpyrshang jong ki ophisar bad ki Pulit ha ka por ba dang tohkit ka la pynlong ia kane ka mukotduma kaba jop bad ka iingbishar ka la ai ia ka rai pynrem pyrshah ia u briew uba shah kynnoh.
