Shillong Iaiong 04: Ka iingkashari jong ka Special Judge (POCSO), Nongstoin kala rai pynrem bad hukum ban set phatok 14 snem ia u Hamidul Ali halor ka jingrahbor bad batbor ia kawei ka heprit kaba la jia ha u snem 2020.
Ka Special Judge (POCSO), Nongstoin, hadien ba kala bishar bniah ia ki sakhi ki satar jong ka jingtohkit, kala rai pynrem ia u Hamidul Ali uba ju khot sin da u Islam bad Rahul, ha kaba yn shah set phatok 10 snem bad ka jingdain kuna kaba T.25,000 halor ka jingbatbor bad ka jingset phatok kaba 4 snem ryngkat bad ka jingdain kuna kaba T.10,000 halor ka jingrahbor bad lada ym siew ia kane ka jingshah dain kuna yn shah set shuh shuh sa 6 bnai ha phatok.
Ha ka 23 tarik u Jylliew 2020, ka nongujor kala ujor da ka ejahar ba ha ka 20 tarik u Jylliew 2020 ba u Hamidul Ali uba na ka shnong Daripal ula leh ia kam sniew da kaba rahbor bad batbor ia kawei ka heprit. Kumta la shimkhia ia kane ka ejahar hapoh jongka Shallang P.S. Case No:- 16(6)2020 hapoh ka kyndon 363 IPC, R/w Sec 3(a)/4 POCSO Act bad la pynkhamti ha ka pulit kynthei kaba dei ka Sub Inspector ka Kong B. Dkhar jongka Nongstoin Women Police Station ban pynlong ia ka jingtohkit kaba bniah.
Hadien ba la pyndep ia ka jingtohkit, la chargesheet ia katei ka case bad la aiti ha ka iingkashari jong ka Special Judge (POCSO) Nongstoin ban tian bishar.
, Nongstoin kala rai pynrem bad hukum ban set phatok 14 snem ia u Hamidul Ali halor ka jingrahbor bad batbor ia kawei ka heprit kaba la jia ha u snem 2020.){kind=link}