Guwahati, Lber 06 : Ka Nongialam ka TMC Sushmita Dev ha ka sngi Balang kala ong ba ka TMC kala rai ban iaid hi marwei ha kaban iakhun ia ka elekshon Lok Sabha ha Assam.
Kane ka Nongialam ka TMC kala ong ba ka Congress ka don hapdeng ka jingkulmar jingmut beit ia man ki kam bad ka elekshon kam dei sati aka kam ban mih iakhun hapdeng ki jingkulmar jingmut.
Haba iakren bad ki nongthoh khubor, ka Dev kala ong “Ka Congress ka dei kaba pyniaid da ka BJP bad ka long kum ka ‘Kachadi’. Ka Khliehduh ka TMC Mamata Banerjee kala kren shai sha ki dkhot ka party ba kin iaid hi marwei ban iakhun ia ka elekshon. Lada ngi don 40 ngut ki MLA ha Lok Sabha, ngin sa leit lang ba INDIA Alliance”.
Ka Dev kala ong “Ngi dang iadonlang bad ka INDIA Alliance. Ka Mamata Didi kala ong ba ka TMC kan sa thaw ia ka Sorkar bad ka INDIA Alliance. Ka TMC ka dei kaba biang duh ban iakhun iaka BJP ha Assam”.
Ka Dev kala bynrap ba “U President ka APCC Bhupen Kumar Bora u khlem kren shai ia ka nongrim jong u halor ka TMC. Ula ong ba ha kane ka kynti kin ailad ia ki Nongialam ka APP ban iakhun ia ka elekshon Lok Sabha ha Assam” kala ong bad bynrap “Ngin mih iakhun na ka bynta ki paidbah ka Assam”.
