Shillong, Naiwieng 06: Ka Sorkar Jylla kala rai ba kan pynlong ia ka jingwad kaba bniah halor ki daw balei b aka jingpynkynriah ia ki nongpang sha ki hospital shimet, ka dei ka kam kaba jia khah khah ha baroh ki hospital ka Sorkar.
“Ngin wad ia ki daw tynrai. Ngin nang kynshew bun ha ka jingwad bniah balei ba ki nongpang ki pan ia ka jingpynkynriah sha ki hospital shimet wat hapdeng ka jingai jingmut ki doktor Sorkar ha kiba bun ki khep” ong ka Myntri ka Koit ka Khiah Kong Ampareen Lyngdoh haba iakren bad ki nongthoh khubor.
Kat kum ka jingong ka Myntri “Ngin pyrshang ban peit la ka Sorkar ka lah ban iasnohkti bad ka Tnad ka Koit ka Khiah ha kaban pynthikna ba ngin lah ban ai ia baroh ki jingdonkam ba kongsan iaki nong shongshnong kat ha ki jaka baki don khlem da pynbor ia ki nongpang ba kin mih nala ki shnong, nala ki iing bad ban hap leit jngai la ka dei hala kajong ne shabar kaJylla ruh ban ioh ia ki jingsumar”.
Ka Myntri kala ong ba ka Sorkar kan sa shong shen ia ka jingialang bishar kam hapoh ka Civil ital.ital Shillong bad bynrap haba bynrap “Ngin sa peit kaei kaba bha tam kaba ngi lah ban leh khnang ba ki paidbah ningpang kin ioh ia ka jingshaniah ha ki jaka ai jingsumar ka Sorkar”.
Haba iaroh ia ka jingshimkhia u Myntri Rangbah ka Jylla, ka Myntri kala ong “Ngi kyrmen ba kumba ula leh jadu ha ka jingpynduna ia ka jingiap ki longkmie ba kha khun, ngi kyrmenruh ba un lah ban wanrah jingkylla ruh ha ka liang ka jingsumar ha ki jaka sumar ka Sorkar Jylla”.
