Shillong, Jymmang 17: Ka kynhun Myntri Sorkar jylla hynne ka sngi kala mynjur ban pynkylla noh iaka kyrteng jong ka Lady Hydari Park shaka Ka Phan Nonglait Park kaba don ha Barik Shillong.
Ia kane la pyntip da u Myntri Rangbah ka jylla Conrad K Sangma uba la iathuh ba ia kane ka rai ban pynkylla noh iaka kyrteng jong ka Lady Hydari Park shaka Ka Phan Nonglait Park, la shim la kham slem hynrei namar ka jingdon ki jyrwit jyrwat, kala pynsuki noh ban pynbna paidbah iaka rai.
“Namar ki jyrwit jyrwat, ka sorkar ka khlem lah ban pynbna paidbah ia kane ka rai hynrei mynta ka sngi ka kynhun Myntri sorkar kala mynjur ban pynkylla noh iaka kyrteng jong ka Lady Hydari Park shaka Ka Phan Nonglait Park” la ong u Conrad.
