Shillong, Risaw 28 : Ka Sorkar Jylla kala rai ban pynkiew ia ka Dearness Allawance / Dearness Relief na ka 43 % ba mynta sha ka 46%, ka ban treikam naduh ka 1 tarik Naitung 2024.
Kane ka jingpynkiew ia ka DA kan ai jingmyntoi ia palat 90,000 ngut ki Nongtrei Sorkar bad ki Nongtrei ba iohbai bam tynmen ha ka Jylla.
Ka Office Memorandum bala pynmih da u Commissioner & Secretary, Finance Dr Vijay Kumar ha ka sngi Nyngkong, kala ong “Uba soi kyrteng ula shah bthah ban khmih ia ka OM kane ka Tnad ba 23 tarik Rymphang, 2024 bad ban ong ba u Lat ka Jylla u snegwbha ban rai ba ka Dearness Allowance/Dearness Relief ba siew sha baroh ki Nongtrei Sorkar/kiba ioh bai bam tynmen bad ki Nongioh bynta ia ka bai bam, yn hap ban kyntiew n aka 43% ba mynta sha ka 46% ka ban treikam naduh ka 1 tarik Naitung 2024”.
Ka OM ka ong ba kine ki hukum kin treikam ruh sha baroh ki dkhot jong ki work-charge establishment bad nongtrei casual lait noh ki Bungalow Peon, kiba bat ia ka kam ha ka jingsiew kumba ioh kiwei pat ki nongtrei ha kajuh ka kyrdan hapoh ka regular establishment/service/post.
