Shillong, Rymphang 05: Ka Kynhun Myntri ka Sorkar Jylla ha ka sngi Palei kala mynjur ban pynkylla ia ka Meghalaya Outstanding Sports Policy bad ka Draft Meghalaya Outstanding Sportsman’s Direct Appointment Service Rules, ka ban ai jingmyntoi ia ki nongialehkai da kaba pynkha ia ka special cadre ia ki nongialehkai kiba pawnam.
“Ngi la wanrah ia kane ka rai mynta la 6-7 bnai bad ngi sngew ba ki don katto katne ki jingpynkylla…ki ban iarap ia ki nongialehkai” ong u Conrad.
Ka rule ba thymmai kan ailad ia ki nongialehkai kiba jop ia ki takma ha ki jingialehkai bala ithuh, kum ka Olympics bad National Games, ba kin ioh ia ka jingthungkam beit beit ha ki kam Sorkar.
Ula pyntip ba yn sa pynkha ia ka special cadre na ka bynta ki nongialehlai ba pawnam, ban pynthikna ba kan ym don jingpynthut ha ka jingpynkiew kyrdan bad kiwei ki jingmyntoi ia kiwei pat ki nongtrei jongki tnad.
ia ka rukom pynskhem ia ki briew kiba ialehkai hapoh ka kyrdan 2% reservation, ha kaba yn buh ruh ia ka aplikeshon lyngba ka online ha ka tnad ialehkai.
