Shillong, Jylliew 19 : Ka Sorkar Jylla kala rai ban khmih ia ki jingpan jingshai jong ki seng sain pyrthei bapher bapher kaba iadei bad ka State Reservation Policy ka ban bishar da ka Expert Committee.
Haba iakren bad ki lad pathai khubor,ka Chairperson ka Committee jong baroh ki seng sain pyrthei Kong Ampareen Lyngdoh kala ong “Ngi la aipor ia ki (seng sain pyrthei) haduh hynne ka sngi kaba dei ka sngi ba kin aiti ia ki jingkylli/jingkwah jingshai la ka long sha ka Chairperson ka Committee lane sha u Myntri Rangbah ne sha u Chief Secretary bad ngin sa bishar ia kat kaba ngi ioh. Ngin sa khmih ia kine ki jingkylli namar shuwa ban gin phah sha ka Expert Committee, ngi dei ban sngewthuh kiei kita ki jingkylli ba la kylli da ki seng sain pyrthei, ki sengbhalang ne ki riew shimet kiba pan jingtip halor ka jingmut jingpyrkhat jong ka Sorkar haba iadei bad ka jingbishar thymmai ia ka Reservation Policy”.
Haba pynpaw ba kane ka kam kan shim katto katne por, kala ong “Ngi kyrmen ba ngin ioh ia ki jingkylli kiba long thik ia ka kam bad pynthikna ban gin don ki stad ki jhad halor kine ki jingkylli ki ban lah ban batai kat kum ki ain. Ngi dei ban pynthikna ruh ba kaei kaba ka Sorkar ka leh kan long da katei ka jingmut jingpyrkhat. Ngan khmih ia kam kham kloi kat kaba lah bad nga kyrmen ba ngan sa lah ban pyntip sha ki paidbah lyngba ki lad pathai khubpr ha ka por kaba dei”.
Haba kylli, ka kong Ampareen kaba dei ruh ka Myntri Sorkar, kala ong ba ka Kynhun Myntri ka dang shu pynmih ia ka Office Memorandum ba thymmai halor ka jingpyntreikam ia ka Roster System na ka bynta ka bha ka miat bad ka jingmyntoi jong ki nongshongshnong ka Jylla.
Ka pyntip ba ka Sorkar kala dep thung ia ki Dkhot ba lai ngut jong ka Search Committee bala khlieh da u Chief Secretart Bah DP Wahlang.
Pule ruh: Pynkhreh ka Sorkar ban ai pyniaid biang noh ia ki kali 108 sha ki kompani shimet
